Kõjerbal Web Site eo Ad ñan Kwal̦o̦k Naan
Rõjañ Armej ro ñan Lale Web Site eo Ad: Jet armej remijak in kõnnaan ippãd ak ebbõk aer bok ñe jej kwal̦o̦k naan. Meñe ãindein, ak rem̦õn̦õn̦õ in lale kõmel̦el̦e ko kõn Ri Kõnnaan ro an Jeova ilo Web site eo ad etan jw.org kõnke remaroñ kõm̦m̦ani ilo m̦oko im̦weer. Kõn men in, kwal̦o̦k ñan ro jet kõn Web site in ad ilo jabdewõt iien ekkar.
Kõjerbale ñan Uwaak Kajjitõk Ko: Jet iien armej ro rej kajjitõk ippãd kõn Ri Kõnnaan ro an Jeova im tõmak ko ad. Kwõmaroñ kwal̦o̦k uwaak eo ñan e ilo m̦õkaj ñe epãd cell phone eo nejũm̦ ak computer im ewõr Internet ie. Bõtab, em̦m̦an ñe jej riiti eoon ko jãn Baibõl̦ eo. El̦aññe cell phone eo nejũm̦ ejjab Internet, kwõmaroñ kõmel̦el̦eike kõn kilen kõjerbale jw.org ñan pukot uwaak ko ie.—Ñe kwõj pãd ilo www.jw.org, etal ñan “Bible Teachings/Bible Questions Answered or About Us/Frequently Asked Questions.”
Email Juon Katak ak Juon Bok ñan Eo Kwõjel̦ã Kajjien: Kwõmaroñ download katak ak bok ko im jilkinl̦o̦k ilo email. Bareinwõt kwõmaroñ downloadi katak ak bok ko me em̦õj aer kanne ainikien armej ie im likũti ilo juon CD. Kajjojo alen jej email aolepen juon bok, magazine ak brochure ñan juon me ejjañin peptaij, jemaroñ likũt e ilo report eo ad. Jen kaalikkar wõn kõj ñe jej jilkinl̦o̦ki im jab wiakaki bok kein. Bareinwõt jen jab likũt bok kein ilo Web site ko jet ilo Internet.—Ñe kwõj pãd ilo www.jw.org, etal ñan “Publications.”
Kwal̦o̦k kõn Nuuj ko Rekããl kõn Ri Kõnnaan ro an Jeova: Ilo ad kõm̦m̦ane men in, enaaj jipañ ro me jej katak ippãer kab ro jet me jej kwal̦o̦k naan ñan er bwe ren mel̦el̦e kõn jerbal ko an Ri Kõnnaan ro an Jeova ipel̦aakin lal̦ in. Bareinwõt renaaj kile ad lukkuun bõrokuk ippãn doon. (Sam 133:1)—Ñe kwõj pãd ilo www.jw.org, etal ñan “News.”
[Pija ko ilo peij 5]
(Ñan lale pija eo, jouj im lale ilo bok eo.)
Kajjioñe Men In
1 Jipede ijo me ej ba, “Publications,” innem pukot men eo kokõn̦aan downloadi. Kwõmaroñ download kein am̦ riit ak kein am̦ roñjake.
2 Jipede ijo me ej ba MP3 bwe en kwal̦o̦k laajrak in katak ko. Jipede etan katak eo me kokõn̦aan ñan downloadi ak el̦aññe kokõn̦aan roñjake katak eo ilo Internet, jipede ▸.
3 Lale laajrak in kajin ko me kwõmaroñ in download bok ko ak men ko jet ie.