‘Etetal ilo Kien Jeova’

Ta mel̦el̦ein ‘etetal ilo kien Jeova’? Ej mel̦el̦ein bwe jej m̦õn̦õn̦õ in kõttãik kõj make ñan naanin tõl ko an Anij. Elõñ waanjoñak ko ilo Baibõl̦ kõn ro rar l̦oore kien ko an Jeova im lõke e ãinwõt rijeje sam in.

M̦õn̦õn̦õ eo em̦ool ej wawa ioon ad pokake kien Anij

119:1-8

Joshua ear lukkuun lõke naanin tõl ko an Jeova. Ear jel̦ã bwe wãween eo wõt emaroñ jipañe ñan lo m̦õn̦õn̦õ im jeraam̦m̦an, ej ilo an lõke Jeova kõn aolepen bũruon

Naanin Anij ej kaperan kõj ñan kijenmej ium̦win mãlejjoñ ko reppen

119:33-40

Jeremaia ear kwal̦o̦k an peran im lõke Jeova ke ear jelm̦ae mãlejjoñ ko reppen. Ear jab m̦ad kõn men ko jet ak ear kate wõt e im kõm̦m̦ane jerbal eo Anij ear lel̦o̦k ñane

Jel̦ãl̦o̦kjen̦ eo em̦ool jãn Naanin Anij ej kaperan kõj ñan jab ãliklik im mijak in kwal̦o̦k naan

119:41-48

Paul ear jab mijak in kwal̦o̦k kõn Naanin Anij ippãn jabdewõt armej. Ear lukkuun lõke bwe Jeova enaaj kaperane bwe en kwal̦o̦k naan ñan kom̦ja eo etan Filix

Ia ko ij aikuj kal̦apl̦o̦k aõ peran in kwal̦o̦k naan ie?

• Jikin jikuul̦

• Jikin jerbal

• Ilo baam̦le eo

• Jikin ko jet