Kilen Lel̦o̦k Bok Ko

NAAN IN KEEAÑ

Kajjitõk: Jãn iien ñan iien, kõj aolep jej aikuj naanin kaenõm̦m̦an. Ak ia eo jemaroñ bõk kaenõm̦m̦an jãne?

Kein Lel̦o̦k: Bok in ej kwal̦o̦k kõn wãween an Anij kaenõm̦m̦an kõj.

KATAKIN RO JET M̦OOL EO

Kajjitõk: Ta eo ej wal̦o̦k ñan kõj ñe jemej?

M̦ool Eo: Ñe juon armej emej, ejjab etal ñan bar juon jikin. Kõn men in, jejjab aikuj mijak kõn ta eo enaaj wal̦o̦k ñan kõj ãlikin ad mej. Jijej ear keidi mej ñan kiki. Ãinwõt an kar Jijej kõmour Lazerõs jãn mej, ãindein enaaj kõmour ro rejitõnbõro ippãd me remej bwe ren maroñ bar mour ijin ioon lal̦.—Job 14:14.

**PEBA IN KŨR EO ÑAN KWEILO̦K KO (inv)**

Kein Lel̦o̦k: Im̦õn̦õn̦õ in kũr eok bwe kwõn itok im roñjake juon katak jãn Baibõl̦. Aolep rej ruwainene in itok im ejjel̦o̦k on̦ãn ñan del̦o̦ñ. Katak in enaaj wal̦o̦k ilo Im̦õn Kweilo̦k en̦ an Ri kõnnaan ro an Jeova. [Lel̦o̦k peba in kũr eo ñane, kwal̦o̦k jikin kweilo̦k eo ad im awa eo jej kweilo̦k ie ilo wiikããn, im kwal̦o̦k etan taitõl̦in katak eo.]

Kajjitõk: Kwõnañin ke kar itok ñan Im̦õn Kweilo̦k ko ammim? [Ñe em̦m̦an, kõjo̦e l̦o̦k pija eo etan, Ta ko Rej Wal̦o̦k ilo Im̦õn Kweilo̦k ko Ammim?]

NAAN KO AM̦ MAKE

Kõm̦m̦an am̦ make naanin ijjino ilo am̦ l̦oore kilen kar kõm̦m̦ane waanjoñak ko itulõñ.