Kwõj Ke Kortokjãn Kaat Jiddik ko kõn JW.ORG?

Kõnke eñtaan eo el̦ap ej epaaktok wõt, jej aikuj kaiur kõn jerbalin kwal̦o̦k naan. (JK 24:11, 12, 20, UBS) Ñan jipañ armej ro, jemaroñ kõjerbal kaat jiddik ko ñan jitõñl̦o̦k ñan Naanin Anij im ñan weep jait eo ad. Ilo kaat jidikdik eo, ewõr juon kout ie. Kout in ej jitõñl̦o̦k ñan pija eo Etke Kwõj Aikuj Katak Baibõl̦? im ej bar jitõñl̦o̦k ñan ijo me armej remaroñ jeje ñe ewõr aer kajjitõk ak ñe rekõn̦aan bwe juon en katak Baibõl̦ ippãer. Jet armej rejjab kõn̦aan bũki bok ko ad, bõtab rem̦õn̦õn̦õ in etal ñan weep jait eo ad. Jab ãliklik in lel̦o̦k juon kaat ñan er. Bõtab, jab lel̦o̦k kaat jiddik kein ñan ro rejjab m̦õn̦õn̦õ in roñjake.

Ñe kwõj kõm̦m̦ani m̦akũtkũt ko am̦ ilo raan eo, kwõmaroñ kãitoklimoik jabdewõt eo kwõj iioone ilo am̦ baj ba: “Ewõr juon men ikõn̦aan lewaj ñan eok. Kaat in ej kwal̦o̦k kõn juon weep jait. Im weep jait in ej kwal̦o̦k kõn elõñ mel̦el̦e ko im pija ko kõn jabdewõt men kokõn̦aan jel̦ã kake.” (Jon 4:7) Kõnke kaat kein rejaad iddik, kwõmaroñ bõk jet ippam̦ bwe kwõn kab lel̦o̦k ñan ro kwõj iioon er jabdewõt iien.