Kõjerbal Home Page eo ilo JW.ORG ilo Am̦ Kwal̦o̦k Naan

Elõñ katak ko im pijain alwõj ko ilo home page eo ilo weepjait eo ad me kar kõm̦m̦ani ñan kãitoklimoik ro em̦m̦an bũrueer ilo teretore eo ad. (Jrb 13:48) Ekkã an kwal̦o̦k kõn men ko rej wal̦o̦k ilo nuuj ko ak men ko armej rej l̦õmn̦ak im bwebwenato kaki.

Ewi wãween am̦ maroñ kõjerbal home page eo ilo jw.org ilo am̦ kwal̦o̦k naan?

• Ekkeini am̦ lale weepjait eo ad. Lali katak ko me rej pãd im̦aantata im l̦õmn̦ak kõn wãween am̦ maroñ kõjerbale ñan jipañ juon armej me ej itoklimo. (Ñan lale katak ko jet me rekar pãd ilo home page eo, jipede ijo ej ba “See More” ilo weepjait eo ilo kajin Pãlle) Ñe kwõj ekkeini am̦ lale ta ko rej pãd ilo weepjait eo ad, men in enaaj jipañ eok ñan l̦õmn̦ak kõn wãween ko jet kwõmaroñ kõm̦m̦ani ilo am̦ kwal̦o̦k naan.

• Kõjerbal katak ko im pijain alwõj ko ilo home page eo ñan jino bwebwenato ippãn armej. Katak kein im pijain alwõj ko remaroñ jipañ kõj ñan jel̦ã kõn ta ko armej ro ilo teretore eo rej l̦õmn̦ak kake.

• Kwal̦o̦k ñan armej ro home page eo. Kwal̦o̦k kõn jet iaan katak ko, im kwal̦o̦k ñan armej eo kilen pukoti katak ko jet ilo weepjait eo.

• Jilkinl̦o̦k juon link. Jet armej rejjab lukkuun kõn̦aan kõnono ippãd, ak remaroñ m̦õn̦õn̦õ in etal ñan weepjait eo ad. Kõn men in, jab ãliklik ñan jilkinl̦o̦k juon link ñan juon armej ej itoklimo ñan home page eo ak ñan juon katak ak pijain alwõj me ej bar pãd ilo home page eo.