Kilen Lel̦o̦k Bok Ko
NAAN IN KEEAÑ
Kajjitõk: Ñe juon ej kajjitõk ippam̦ kõn ta ko rej wal̦o̦k ilañ im wõn ro rej mour ie, enaaj ta uwaak eo am̦?
Eoon: Jon 8:23
Kein Lel̦o̦k: Naan in Keeañ in enaaj kwal̦o̦k kõn men ko rej wal̦o̦k ilañ me Jijej im Jemãn rar kwal̦o̦k kaki.
KATAKIN RO JET M̦OOL EO
Kajjitõk: Kwõj ke errã bwe kanaan in jãn Baibõl̦ ejejjet ilo raan kein?
Eoon: 2Ti 3:1-5
M̦ool Eo: Kõnke jej loe an jejjet kũtien kanaan ko ilo Baibõl̦ ilo raan kein, jemaroñ lõke bwe kanaan eo kõn an naaj wõr juon ilju im jekl̦aj em̦m̦an, enaaj bar jejjet kũtien.
ETKE KWÕJ AIKUJ KATAK BAIBÕL̦? (Pija eo)
Naanin Ijjino: Kõmij kaalwõje jabdewõt armej kõn juon pija me jejjo wõt minit aetokan im ej kwal̦o̦k ia eo jemaroñ lo uwaakin kajjitõk ko ekkã an armej ro kajjitõk kaki. [Kõjo̦e pija eo.]
Kein Lel̦o̦k: Bok in ej kwal̦o̦k kõn ta eo Baibõl̦ ej ba kõn wãween an Anij naaj kõm̦adm̦õde apañ ko rej wal̦o̦k ilo lal̦ in. [Lel̦o̦k bok eo Katak ko Rem̦ool.]
NAAN KO AM̦ MAKE
Kõm̦m̦an am̦ make naanin ijjino ilo am̦ l̦oore kilen kar kõm̦m̦ane waanjoñak ko itulõñ.