Kilen Lel̦o̦k Bok Ko

NAAN IN KEEAÑ

Kajjitõk: Ñe juon ej kajjitõk ippam̦ kõn ta ko rej wal̦o̦k ilañ im wõn ro rej mour ie, enaaj ta uwaak eo am̦?

Kein Lel̦o̦k: Naan in Keeañ in enaaj kwal̦o̦k kõn men ko rej wal̦o̦k ilañ me Jijej im Jemãn rar kwal̦o̦k kaki.

KATAKIN RO JET M̦OOL EO

Kajjitõk: Anij ej ke kõm̦m̦an bwe jen eñtaan im bũrom̦õj?

Eoon: Job 34:10

M̦ool Eo: Ejjab Anij eo ej kõm̦m̦an bwe jen eñtaan. Unin ad eñtaan ej kõn Tepil̦ eo, kõn men ko renana armej ro rej kõm̦m̦ani, im jet iien ej kõnke jaar pãd ilo juon jikin me jorrããn ear wal̦o̦k ilo jidimkij. Ñe jej eñtaan, Anij epojak aolep iien ñan jipañ kõj. El̦ap an kea kake kõj.

ETKE KWÕJ AIKUJ KATAK BAIBÕL̦? (Pija eo)

Kajjitõk: Ta am̦ l̦õmn̦ak, lal̦ in ej ke pãd ium̦win pein Anij? [Kõtl̦o̦k an uwaak.] Eokwe, kwõnãj bwilõñ kõn uwaak eo jãn Baibõl̦. Pija in me jejjo minit aetokan enaaj kwal̦o̦k. [Kõjo̦e pija eo.]

Kein Lel̦o̦k: Jebta 11 ilo bok in ej kwal̦o̦k etke Anij ej kõtl̦o̦k bwe jen iioon eñtaan im ta eo enaaj kõm̦m̦ane. [Lel̦o̦k bok eo Katak ko Rem̦ool.]

NAAN KO AM̦ MAKE

Kõm̦m̦an am̦ make naanin ijjino ilo am̦ l̦oore kilen kar kõm̦m̦ane waanjoñak ko itulõñ.