Wãween Ad Kõjerbal Bok eo, What Can the Bible Teach Us?

Bok in (Teach Us) im kab bok eo etan Katak ko Rem̦ool, rej ãinl̦o̦kwõt juon. Bok kein jim̦or jej kõjerbali ñan katak ippãn armej ro, im katak ko kab pãrokõrããp ko ilowaaer rej juon wõt. Bõtab, bok in ej kõjerbal naan ko im kõmel̦el̦e ko repidodol̦o̦k ñan an ro jet mel̦el̦e kaki. Kar kõm̦m̦ane ñan ro enãj pen aer mel̦el̦e kõn bok eo, Katak ko Rem̦ool. Ijello̦kun an wõr katak ko ilo jem̦l̦o̦kin bok in, kar je jidik kõmel̦el̦e kõn jet naan ak mel̦el̦e ko reppen me rej pãd ilo juon katak. Ejjel̦o̦k kajjitõk in ãlij ilo jinointata in juon jebta im ebar ejjel̦o̦k bo̦o̦k in ãlij. Bõtab, ewõr juon kõmel̦el̦e kõn boin ko raorõk ilo jem̦l̦o̦kin kajjojo jebta. Ãinwõt Katak ko Rem̦ool, jemaroñ lel̦o̦k bok in ñan armej ro jabdewõt iien, jekdo̦o̦n ñe ejjab kein lel̦o̦k eo an allõñ eo. Ewi wãween ad maroñ kõjerbal wãween kein rekããl ilo bok in ñe jej katak ippãn rũkkatak ro ad?

BOIN KO REL̦L̦AP: Ñan enañin aolep armej, jenaaj katak ippãer ilo ad riiti pãrokõrããp eo m̦okta ilo bok eo Katak ko Rem̦ool, innem riiti kajjitõk eo. Ak ta el̦aññe rũkkatak eo ej ekkatak wõt kajin eo ad ak bõlen ejjab lukkuun jel̦ã riit? Ñe ãindein, eokwe kwõmaroñ kõjerbal bok in ekããl (Teach Us). Kwõmaroñ etale boin ko rel̦l̦ap an katak eo ñan katak ippãn, im kwõmaroñ rõjañe ñan riiti aolepen katak eo ippãn make. Ekkã wõt an bõk 15 minit ñan etale kajjojo iaan m̦ool ko jãn Baibõl̦ me rej pãd ium̦win boin ko rel̦l̦ap. Kõnke aolepen kõmel̦el̦e ko repãd ilo katak eo im jab ilo boin ko rel̦l̦ap, mel̦el̦ein men in bwe rukwal̦o̦k eo ej aikuj kõppojakl̦o̦k im̦aan. Im eaorõk bwe en l̦õmn̦ak kõn aikuj ko an rũkkatak eo ñe ej kõpooje katak eo. Bõtab, el̦aññe rukwal̦o̦k eo ej katak ippãn rũkkatak eo an ilo aerro riiti pãrokõrããp im kajjitõk ko, eokwe emaroñ kõjerbal boin ko rel̦l̦ap ñan ãlij.

KÕMEL̦EL̦E KO JET: Naan ko im mel̦el̦e ko reppen ilo kõmel̦el̦e ko ilo jem̦l̦o̦kin bok in rej laajrak lal̦tak ekkar ñan iien eo rej wal̦o̦k ilo juon katak. Ej an rukwal̦o̦k eo pepe ñe ekõn̦aan etale kõmel̦el̦e ko ilo jem̦l̦o̦kin bok in (Teach Us) ippãn rũkkatak eo an.