Lañ ko Rekããl im Lal̦ Ekããl Renaaj Bõktok Lañlõñ

Kallim̦ur eo an Anij ilo Aiseia jebta 65 kõn an naaj kõjepl̦aak men otemjej ñan jinoin enaaj lukkuun jejjet kũtien.

Jeova ej kõm̦m̦an lañ ko rekããl im lal̦ ekããl im jãmin keememej men ko m̦okta

65:17

Ta lañ ko rekããl?

• Ej kien eo ekããl me enaaj bõktok jim̦we im wãnõk ioon lal̦ in

• Ear jutak ilo 1914 ke kar kããlõt Kũraij bwe en Kiiñ ilo Aelõñ in an Anij

Ta lal̦ eo ekããl?

• Ej kumi in armej ro jãn aelõñ, kajin, im kil otemjej me rej m̦õn̦õn̦õ in kõttãik er im pokake tõl eo jãn kien in ekããl an Anij

Ewi wãween naaj jãmin keememej men ko m̦okta?

• Enaaj ejjel̦o̦k bar men en enaaj kabũrom̦õj im kainepataik armej ro, ãinwõt men ko renana rej wal̦o̦k, men ko rej kaeñtaan l̦õmn̦ak ko, im ko̦kkure eñjake ko

• Ro retiljek renaaj m̦õn̦õn̦õ ilo aolepen mour ko aer im renaaj m̦õn̦õn̦õ kõn men ko rem̦m̦an rej wal̦o̦k ñan er kajjojo raan