Ewi Joñan An Kajoor Tõmak eo Am̦ kõn Kallim̦ur ko An Jeova?

Joshua im Solomon rar kam̦ool bwe ejjel̦o̦k juon iaan kallim̦ur ko an Jeova ear likjab. (Jos 23:14, UBS; 1Kñ 8:56) Jemaroñ lõke naan kein an rũkam̦ool rein, im naan kein aerro rej kapenl̦o̦k pedped in tõmak eo ad.​—2Ko 13:1; Tai 1:2.

Ewi wãween an kar Jeova kajejjet kallim̦ur ko an ilo tõre ko an Joshua? Jouj im alwõje pija in ippãn baam̦le eo am̦, ‘Not One Word Has Failed.’ Innem etale kajjitõk kein: (1) Ewi wãween am̦ maroñ anõke joñak eo an Rehab kõn an kar kwal̦o̦k an tõmak? (Hi 11:31; Jem 2:24-26, UBS) (2) Ewi wãween joñak eo an Ekan ej kam̦ool bwe ad jab pokake ej tõll̦o̦k ñan jorrããn? (3) Meñe em̦m̦aan ro jãn Gibeon kar er rũttarin̦ae, ak etke rar m̦õn̦e Joshua im kõm̦m̦an aenõm̦m̦an ippãn Israel? (4) Ewi wãween an kar m̦ool naan ko an Jeova ke kiiñ ro l̦alem an RiAmor rar kaamijak RiIsrael ro? (Jos 10:5-14) (5) Ewi wãween an kar Jeova kajeraam̦m̦an eok kõn am̦ likũt Aelõñ im kwõjarjar eo an m̦oktata ilo mour eo am̦?​—Mt 6:33.

Ilo ad kõl̦mãnl̦o̦kjen̦ kõn aolepen men ko Jeova ear kõm̦m̦ani, men ko ej kõm̦m̦ani kiiõ, im men ko enaaj kõm̦m̦ani, renaaj kõkajoorl̦o̦k wõt tõmak eo ad kõn kallim̦ur ko an.​—Rom 8:31, 32.