M̦õn̦õn̦õ Kõn Jeraam̦m̦an ko Jãn Ri-Kõm̦anm̦an eo Ad ñan Indeeo

Anij ear kallim̦uri ri-kanaan Ebream bwe juon iaan ro ineen enaaj bõktok jeraam̦m̦an ko ñan “ri-aelõñ otemjej ilal̦.” (Jenesis 22:18) Ijoke, wõn ine eo?

Enañin 2,000 iiõ ko remootl̦o̦k, Anij ear lel̦o̦k ñan Jesus, eo ear ineen Ebream, kajoor eo ñan kõm̦m̦an menin bwilõñ ko rel̦l̦ap. Menin kabwilõñlõñ ko rar kaalikkar bwe kallim̦ur eo me kar kõm̦m̦ane ñan Ebream enaaj itok ñan ippãn ri-aelõñ ko ikijjeen Jesus.​—Galetia 3:14.

Menin kabwilõñlõñ kein Jesus ear kõm̦m̦ani rar jipañ armej ro ñan kile bwe Anij eo ear kããlõte ñan kõjeraam̦m̦an armej ro, im men kein rar bar kwal̦o̦k wãween an Anij naaj kõjerbale ñan kõjeraam̦m̦an armej ro ñan indeeo. Lale wãween an menin kabwilõñlõñ ko Jesus ear kõm̦m̦ani kaalikkar kõn jet iaan kadkad ko kadkadin.

Kea​—Jesus ear kõmour ro rar nañinmej.

Ke juon ri-lõba ear akwel̦ap ñan Jesus bwe en kõmouri. Jesus ear uñũri im ba: “Ikõn̦aan!” Im em̦õkaj an jako lõba eo.​—Mark 1:40-42.

Jouj​—Jesus ear naajdik ro rar kwõle.

Jesus ear jab kõn̦aan bwe armej ro ren kwõle. Elõñl̦o̦k jãn juon alen, ilo kabwilõñlõñ ear naajdik to̦ujin armej ro ikijjeen an kar kalõñl̦o̦k jejjo pilawã ko im ek ko.(Matu 14:17-21; 15:32-38) Im ãlikin aer m̦õñã, aolep rar mat im ear lõñ bween m̦õñã.

Tũriam̦o​—Jesus ear kõjerkak ro rar mej.

Kõn an kar Jesus “kanooj bũrom̦õj,” ear kõjerkakpeje l̦adik eo ej make wõt nejin juon kõrã emej l̦eo pãleen me ejjel̦o̦k juon en̦ emaroñ lale e.​—Luk 7:12-15.