Pija eo Etan, What Is True Love?

Ke Jeova ear ejaake mourin pãlele, ear kõn̦aan bwe l̦eo im lio ren mour ippãn doon ñan indeeo. (Jen 2:22-24) Wãween eo wõt emãlim ñan aerro jepel ej ñe juon iaaerro ej l̦õñ. (Mal 2:16, UBS; Mt 19:9) Jeova ekõn̦aan bwe rippãlele ro ren m̦õn̦õn̦õ. Eñin unin ear letok naanin kakapilõklõk ko ñan jipañ Kũrjin ro kããlõt juon rejetaer ilo mãlõtlõt, bareinwõt bwe ren m̦õn̦õn̦õ wõt ilo mourin pãlele eo aer.​—Ekl 5:4-6.

ALWÕJE KADEDE PIJA EO ETAN, WHAT IS TRUE LOVE?, IM UWAAKE KAJJITÕK KEIN:

• Etke jemaroñ ba bwe ewõr yokwe im mãlõtlõt ilo kar wãween an Frank im Bonnie kajim̦we jiroñ eo nejier etan Liz?

• Etke ejjab juon mennin mãlõtlõt ñan l̦õmn̦ak bwe kwõmaroñ ukot armej eo kwõj teiti?

• Kain naanin kakapilõklõk rot ko rem̦m̦an Paul im Priscilla rar lil̦o̦k ñan Liz?

• Etke Zach im Megan rar iioon apañ ilo mourin pãlele eo aer?

• Ta mejãnkajjik ko an Jon im Liz me rar joñan wõt juon?

• Etke eaorõk ñan ad jel̦ã ‘bũruon’ armej eo jej teiti ak bwe jen lukkuun jel̦ã kain armej rot e m̦okta jãn ad m̦areiki? (1Pi 3:4)

• Ewi wõt yokwe eo em̦ool? (1Ko 13:4-8, UBS)