Kõjparok Mourin M̦are eo Am̦

Jeova ej lukkuun kaorõk kallim̦ur ko ilo iien m̦are. Ej ba bwe l̦eo im lio rej aikuj eddãp wõt ñan doon. (Mt 19:5, 6) Elukkuun l̦õñ mourin m̦are ko rem̦m̦an ibwiljin armej ro an Anij. Bõtab, ejjel̦o̦k mourin m̦are eweeppãn. Apañ ko rej wal̦o̦k. Jejjab aikuj bõk l̦õmn̦ak eo me elõñ armej rej bõke bwe etal jãn eo pãleed ak jepel ej uwaak eo ñan ruo rippãlele ñe ej wõr apañ. Ewi wãween an Kũrjin rippãlele ro maroñ kõjparok mourin m̦are eo aer?

L̦õmn̦ak kõn wãween kein l̦alem me raorõk.

1. Kõjparok bũruem ilo am̦ jab kõm̦m̦ani men ko ãinwõt kattoojoj im menin kam̦õn̦õn̦õ ko rejjab erreo, me rej kõm̦m̦an bwe en m̦õjn̦o̦l̦o̦k juon mourin m̦are.​—Mt 5:28; 2Pi 2:14.

2. Kõkajoorl̦o̦k jem̦jerã eo am̦ ippãn Anij, im kal̦apl̦o̦k kõn̦aan eo am̦ ñan kam̦õn̦õn̦õiki ilo mourin m̦are eo am̦.​—Sam 97:10.

3. Wõnm̦aanl̦o̦k wõt im kõn̦ak mour eo ekããl, im kõm̦m̦ani men dikdik ko ilo jouj me renaaj kõm̦m̦an bwe en pidodol̦o̦k wãween an eo rejetam̦ mour.​—Kol 3:8-10, 12-14.

4. Wõnm̦aanl̦o̦k wõt im kõnono ippãn doon ilo juon wãween el̦ap kautiej, me eaorõk im el̦ap tokjãn.​—Kol 4:6.

5. Kõm̦m̦ane ijo kun̦aam̦ ilo mourin m̦are eo am̦ ilo am̦ kwal̦o̦k eñjake im yokwe.​—1Ko 7:3, 4; 10:24.

Ñe Kũrjin ro rej kautiej mourin m̦are, rej kautieje Jeova, eo me ear ejaake mourin m̦are.

ALWÕJE PIJA EO ETAN WE MUST “RUN WITH ENDURANCE”​—OBEY THE RULES OF THE CONTEST, INNEM UWAAKI KAJJITÕK KEIN ITULAL̦:

• 

  Meñe emaroñ em̦m̦an an jino juon mourin m̦are, ak ta apañ ko me remaroñ wal̦o̦k?

• 

  Ewi wãween an naanin kakapilõklõk ko ilo Baibõl̦ maroñ jipañ ro me rej bõk eñjake eo bwe rej pãd ilo juon mourin m̦are me ejjel̦o̦k yokwe ie?

• 

  Ta kien ko me em̦õj an Jeova kõm̦m̦ani ñan mourin m̦are?

• Bwe en wõr tõprak ilo juon mourin m̦are, ta eo rippãlele ro jim̦or rej aikuj in kõm̦m̦ane?