“Kom̦win Ekkõl”

25:1-12

Meñe bũrabõl̦ eo an Jesus kõn bõjin ro 10 ej jitõñl̦o̦k ñan rũkkapit ro, bõtab ej bar jerbal ñan kõj. (w15 3/1 13-17) “Innem kom̦win ekkõl, bwe kom̦ jaje raan eo ak awa eo.” (Mt 25:13) Kwõmaroñ ke kõmel̦el̦eik bũrabõl̦ eo an Jesus?

• L̦eo pãlele (eoon 1)​—Jesus

• Bõjin ro remãlõtlõt im rar pojak (eoon 2)​—Kũrjin ro rej rũkkapit me repojak in kajejjet jerbal eo aer im rej romaak aer meram ñan jem̦l̦o̦kin (Pil 2:15)

• Ainikien eo ej lam̦õj im ba, “Lo, l̦eo pãlele!” (eoon 6)​—Kein kam̦ool bwe emoottok Jesus

• Bõjin ro rebwebwe (eoon 8)​—Kũrjin ro rej rũkkapit me rej diwõjl̦o̦k in wõnm̦ae L̦eo pãlele ak rejapojak im rejjab kõjparok wõt aer tiljek

• Bõjin ro remãlõtlõt rejjab kõn̦aan ajeje oil in l̦aam̦ ko aer (eoon 9)​—Ilo iien jiil̦ eo ãliktata, enaaj ejjel̦o̦k iien ñan an rũkkapit ro retiljek jipañ jabdewõt eo ejjab tiljek

• “L̦eo pãlele ej itok” (eoon 10)​—Jesus ej itok im ekajete armej otemjej ilo iien eo epaak an jem̦l̦o̦k eñtaan eo el̦ap

• Bõjin ro remãlõtlõt rej del̦o̦ñ ippãn l̦eo pãlele ñan kwõjkwõjin pãlele eo, im kõjãm eo ekilõk (eoon 10)​—Jesus ej aini rũkkapit ro retiljek ñan lañ, ak ro rar jab tiljek reluuji jeraam̦m̦an eo aer ñan mour ilañ