KATAK KO RAORÕK JÃN NAANIN ANIJ | KOLOSSE 1-4
Utũk Mour eo M̦okta, im Kõn̦ak Mour eo Ekããl
Kwaar ke kõm̦m̦ani oktak ko rel̦l̦ap ilo mour eo am̦ m̦okta jãn am̦ kar itok ñan m̦ool eo? Kwõmaroñ lukkuun lõke bwe el̦ap an Jeova m̦õn̦õn̦õ kõn am̦ kar kate eok. (Ezk 33:11, UBS) Bõtab, eaorõk ñan am̦ wõnm̦aanl̦o̦k wõt im kate eok bwe wãween ko m̦okta ren jab bar wal̦o̦k im bwe kwõn wõnm̦aanl̦o̦k im kwal̦o̦k wãween mour eo ekããl. Uwaaki kajjitõk kein itulal̦ im lale ewi iaan men kein kwõmaroñ kakõm̦anm̦anl̦o̦k:
Ij ke dãpij wõt aõ illu ippãn juon eo me ear bõd n̦ae eõ?
Ij ke kwal̦o̦k wõt meanwõd meñe ij ekkaiuriur ak m̦õk?
Ñe ej wal̦o̦k juon l̦õmn̦ak enana im ettoon ippa, ij ke m̦õkaj im jol̦o̦ke?
Ij ke kwal̦o̦k kalijekl̦o̦k ñan armej ro me rej itok jãn bar juon aelõñ?
Ewõr ke juon armej me ear nana aõ kõnnaan ñane ak m̦õkaj aõ illu ippãn?