Kõm̦m̦ao Ippãn Ro Rej Yokwe Jeova

Etke jej aikuj kõm̦m̦ao ippãn ro rej yokwe Jeova? Kõnke ro jej kõm̦m̦ao ippãer remaroñ kõm̦m̦akũt kõj ñan kõm̦m̦ani men ko rejim̦we ak ñan kõm̦m̦ani men ko rebõd. (JK 13:20) Ñan waanjoñak, Kiiñ Joash ear “kõm̦m̦ani men ko rar kabuñbũruon Irooj” toon wõt an kar kõm̦m̦ao ak jol̦o̦k an iien ippãn Bũrij eo El̦ap, Jihoiada. (2Kro 24:2, UBS) Ak ãlikin an kar Jihoiada mej, Joash ear el̦l̦o̦k jãn Jeova kõn an kar kobal̦o̦k ippãn ro renana.​—2Kro 24:17-19, UBS.

Ilo raan ko an rijjilõk ro, rijjilõk Paul ear keidi eklejia eo an Kũrjin ro ñan “juon em̦ ekilep” im ro uwaan eklejia eo ñan “jãpe ko,” ak kein jerbal ko ilo juon em̦. Jenaaj wõnm̦aanl̦o̦k im ãinwõt “juon kein jerbal ñan men ko raorõk,” el̦aññe jejjab jol̦o̦k el̦ap iien ñan kõm̦m̦ao ippãn jabdewõt armej me ejjab kabuñbũruon Jeova jekdo̦o̦n ñe ej uwaan baam̦le eo ad ak eklejia eo. (2Tim 2:20, 21) Kõn men in, jen wõnm̦aanl̦o̦k wõt ilo ad m̦õttãik ro rej yokwe Jeova im rej rõjañ kõj ñan karejar ñane.

ALWÕJE PIJA EO ETAN LEARN TO REJECT BAD ASSOCIATION, INNEM UWAAKI KAJJITÕK KEIN:

• Ta jet iaan wãween ko jemaroñ jab kile an kõm̦m̦ao ko renana jelõt mour ko ad?

• Ilo pija eo, ta eo ear jipañ Kũrjin ro jilu bwe ren bõjrak jãn aer kõm̦m̦ao ippãn ro renana?

• Ta naanin kakapilõklõk ko remaroñ jipañ eok bwe en jim̦we am̦ kããlõt ro kwõj kõm̦m̦ao ippãer?