Lal̦ ear “Wõrañel̦o̦k Reba Eo”

Ilo bwebwenatoun armej, ewõr iien ko me ri-tõl ro an lal̦ rar jipañ armej ro an Jeova. (Ezr 6:1-12, UBS; Est 8:10-13, UBS) Ilo raan kein, jej bar lo bwe “lal̦” ak doulul ko an jukjukun pãd in me rej jerbal ilo jim̦we rar wõrañel̦o̦k ‘reba in’ jum̦ae im matõrtõr eo me “dragon eo” ak Setan Tepil̦ eo ej kõm̦m̦an bwe en wal̦o̦k. (Rev 12:16) Jeova, eo ej “Anij in lo̦mo̦o̦r,” jet iien emaroñ kõm̦akũt ri-tõl ro an armej bwe ren jipañ armej ro an.​—Sam 68:20, UBS; JK 21:1.

Ta el̦aññe rar kalbuuji eok kõn wõt tõmak eo am̦? Kwõn jab pere bwe Jeova ej lale eok. (Jen 39:21-23; Sam 105:17-20, UBS) Kwõn lõke bwe kwõnaaj bõk jeraam̦m̦an kõn wõt tõmak eo am̦ im bwe am̦ tiljek wõt ej kõketak ro jeim̦ im jatũm̦ ipel̦aakin lal̦ in.​—Pil 1:12-14; Rev 2:10.

ALWÕJE PIJA EO ETAN KOREAN BROTHERS RELEASED FROM PRISON, INNEM UWAAKI KAJJITÕK KEIN ITULAL̦:

• Etke kar kalbuuji elõñ to̦ujin likao ro jeid im jatid ilo South Korea ium̦win elõñ iiõ ko?

• Ta jem̦l̦o̦k ko jãn jikin ekajet me rar kõm̦m̦an bwe en m̦õkaj an rõl̦o̦k jet iaan ro jeid im jatid?

• Ewi wãween ad maroñ jipañ ro jeid im jatid ipel̦aakin lal̦ in me rej kiiõ pãd ilo kalbuuj kõn wõt tõmak eo aer?

• Ewi wãween ad aikuj kõjerbal jabdewõt anemkwõj ko me ewõr ippãd kiiõ?

• Wõn eo ej lukkuun tõllo̦kũn ñan bõk nõbar ñe jej wiini jabdewõt keej ilo im̦õn ekajet ko?