MOURIN KŨRJIN
Keememej ñan Jar kõn Kũrjin ro rej Iioon Matõrtõr im Jum̦ae
Baibõl̦ ear kanaan bwe Setan enaaj mãlejjoñe kõj bwe jen bõjrak jãn ad kõm̦m̦ane jerbalin kwal̦o̦k naan. (Jon 15:20; Rev 12:17, UBS) Ewi wãween ad maroñ jipañ rũttõmak ro m̦õttad ilo aelõñ ko jet me rej eñtaan jãn aer iioon matõrtõr im jum̦ae? Jemaroñ jar kõn er. Baibõl̦ ej ba bwe “el̦ap tokjãn jar eo em̦m̦an an armej ewãnõk.”—Jem 5:16.
Ta eo jemaroñ jar kake? Jemaroñ kajjitõk ippãn Jeova bwe en kaperan rein jeid im jatid im jipañ er bwe ren jab mijak. (Ais 41:10-13) Jemaroñ bar jar bwe ro ilo jeban kien ko ren errã ñan jab kabõjrak jerbalin kwal̦o̦k naan “bwe jen maroñ in mour ilo mour in aenõm̦m̦an im jokwane.”—1Ti 2:1, 2, UBS.
Ke Paul im Piter rar iioon jum̦ae, Kũrjin ro jet rar jar kake erro im rar ba etaerro ilo jar ko aer. (Jrb 12:5, UBS; Rom 15:30, 31, UBS) Jekdo̦o̦n ñe jejjab jel̦ã etan aolep ro rej iioon matõrtõr im jum̦ae ilo raan kein, ak jemaroñ kwal̦o̦k eklejia ta ko aer ak aelõñ im jikin ko rej jokwe ie.