Ro Jemãn im Jinen, Katakin ro Nejimi Kõn Jel̦ãl̦o̦kjen̦

Jej mour ilo juon lal̦ me ej kwal̦o̦k bwe men ko rem̦m̦an renana im men ko renana rem̦m̦an. (Ais 5:20, UBS) Ekabũrom̦õjm̦õj bwe jet armej rej kõm̦m̦ani men ko Jeova ej dike ekoba kõm̦m̦an ko renana ikõtaan em̦m̦aan ñan em̦m̦aan im kõrã ñan kõrã. Ri-jikuul̦ ro ilo jikin jikuul̦ ak ro jet remaroñ kajjioñ kapoik ro reddik me jej yokwe ñan l̦oor kõm̦m̦an ko aer. Ewi wãween am̦ maroñ kõpooj ajri ro nejũm̦ bwe en lo tõprak ñe ej iioone men in im bareinwõt ejja mãlejjoñ ko ãinl̦o̦kwõt men in?

Katakin ajri ro nejũm̦ kõn jel̦ãl̦o̦kjen̦ eo kõn kien ko an Jeova. (Lv 18:3) Katakin er kõn ta eo Baibõl̦ ej ba kõn an ruo armej pãd ippãn doon, im kõm̦m̦ane men in jidik kõn jidik ekkar ñan joñan iiõ ko aer im bwe ren maroñ mel̦el̦e. (Dt 6:7) Kajjitõk ippam̦ make: ‘Inañin ke kar katakin ajri ro nejũ kõn wãween eo ñan kwal̦o̦k yokwe eo ejim̦we, kõn aorõkin ad kõn̦ak nuknuk ko rekkar, im aikuj eo ñan an ro jet bwe ren kautiej ãnbwinnier? Ajri ro nejũ renaaj ke jel̦ã ta eo ren kõm̦m̦ane ñe juon ej kwal̦o̦k pija ko renana ak juon ej kajjitõk ippãer bwe ren kõm̦m̦ane juon men me Jeova ej ba enana?’ Ilo aer bõk jel̦ãl̦o̦kjen̦ ilo m̦õkaj emaroñ jipañ ñan bõbraik aer iioon jorrããn. (JK 27:12; Ekl 7:12) Ilo am̦ katakin ajri ro nejũm̦, kwõj kwal̦o̦k am̦ yokwe men in letok eo eaorõk jãn Jeova.​—Sam 127:3, UBS.

ALWÕJE PIJA EO ETAN BUILD A HOUSE THAT WILL ENDURE​—SAFEGUARD YOUR CHILDREN FROM “WHAT IS EVIL,” INNEM UWAAKI KAJJITÕK KEIN:

• 

  Etke jet rej ãliklik ñan katakin ajri ro nejier kõn an ruo armej babu ippãn doon?

• 

  Etke rũtto ro rej aikuj katakin ajri ro nejier “ilo kauwe im kõn naanin kakapilõk ko an Jeova”?​—Ep 6:4

• 

  Ta eo doulul eo an Jeova em̦õj an letok ñan jipañ rũtto ro ñan katakin ajri ro nejier kõn an ruo armej babu ippãn doon?​—w19.05 12, bo̦o̦k

• Etke kwõj aikuj keini am̦ kõnnaan ippãn ajri ro nejũm̦ m̦okta jãn an wal̦o̦k apañ ko?