MOURIN KŨRJIN
Laajrak ñan Kwal̦o̦k Naan ñan Aolep Armej
Ãinwõt kar Jeova kõm̦m̦an bwe ri-Israel ro ren laajrak, ej bar kõm̦m̦an bwe armej ro an ren laajrak ilo raan kein ñan kõm̦anm̦an ankilaan. Ipel̦aakin lal̦ in, ra ko, jerbalin lol̦o̦k eklejia ko, eklejia ko, im kumi in ri kwal̦o̦k naan ro rej jerbal ippãn doon ñan kowõnm̦aanl̦o̦k jerbalin kwal̦o̦k naan kõn ennaan eo em̦m̦an. Jej kwal̦o̦k naan ñan jabdewõt, ekoba ro rej kõnono ilo bar juon kajin.—Rev 14:6, 7.
Em̦õj ke am̦ l̦õmn̦ak ñan katak bar juon kajin ñan jipañ juon bwe en katak kõn m̦ool eo? Meñe ejjel̦o̦k am̦ iien ñan katak juon kajin, kwõmaroñ kõjerbal JW Language app eo ñan katak juon naanin ijjino epidodo. Innem ãlikin am̦ kõjerbale ilo kwal̦o̦k naan, kwõmaroñ lo ejja lañlõñ eo wõt me ro jeid im jatid ilo tõre ko an rijjilõk ro ear wõr ippãer ke armej ro jãn aelõñ ko jet rar m̦õn̦õn̦õ in roñ “kõn jerbal ko rekabwilõñlõñ an Anij” ilo kajin eo aer make.—Jrb 2:7-11.
ALWÕJE PIJA EO ETAN BECOME JEHOVAH’S FRIEND—PREACH IN A FOREIGN LANGUAGE, INNEM UWAAKI KAJJITÕK KEIN ITULAL̦:
Ñããt eo kwõmaroñ kõjerbal JW Language app eo?
Ta jet iaan men ko ilowaan app in?
Armej ro jãn aolep kajin ko rej aikuj roñ ennaan eo em̦m̦an
Ta kajin ko armej ro ilo jikin eo kwõj pãd ie rej kõnono kake?
Ta eo kwõj aikuj kõm̦m̦ane el̦aññe juon ej kwal̦o̦k an itoklimo kõn ennaan eo kõn Aelõñ eo me ej kõnono bar juon kajin?—od-E 100-101 pãr. 39-41