Kaalikkar Boin ko Raorõk

Ñe jej kõm̦m̦an bar jepl̦aak ak kõm̦m̦an rũkkatak Baibõl̦, jej aikuj jipañ ri-roñjake ro ad ñan mel̦el̦e boin ko raorõk. Ilo ad kaalikkar boin ko raorõk, jemaroñ kõm̦akũt bũrueer im kõm̦m̦an bwe en pidodo aer keememej katak ko.

Ilo am̦ kõppojak ñan kõm̦m̦an bar jepl̦aak ak kõm̦m̦an rũkkatak Baibõl̦, kããlõt boin ko raorõk me kokõn̦aan kaalikkari, im jab mel̦el̦e dikdik ko. Innem kããlõt waanjoñak ko repidodo me rej pedped wõt ioon men ko rej wal̦o̦k kajjojo raan. (Mt 5:14-16; Mk 2:21; Lk 14:7-11) Lukkuun l̦õmn̦ak kõn wãween an armej eo kwõj bwebwenato ippãn kar dik im rũttol̦o̦k ak wãween mour eo an im men ko ej kõm̦m̦ani. (Lk 5:2-11; Jon 4:7-15) Ñe kwõj loe an turin mejãn lo lañlõñ kõnke emel̦el̦e boin eo, kwõnaaj lo lañlõñ.

ALWÕJE PIJA EO ETAN EXPERIENCE THE JOY OF DISCIPLE-MAKING​—IMPROVE YOUR SKILLS—​ILLUSTRATING KEY POINTS, INNEM UWAAKI KAJJITÕK KEIN ITULAL̦:

• 

  Etke juon rũkkatak emaroñ aikuj jipañ ñan mel̦el̦e eoon ko ilo Baibõl̦?

• 

  Ewi wãween an kar Neeta kaalikkar m̦ool eo me ej wal̦o̦k ilo Rom 5:12?

• 

  Ewi wãween an waanjoñak ko ad rem̦m̦an jelõt ri-roñjake ro ad?

• Ilo jerbalin kwal̦o̦k naan eo ad, etke jej aikuj kõjerbal pijain alwõj ko im kein katakin ko jet me kar litok jãn doulul eo an Jeova?