M̦õn̦õn̦õ in Bõk Jipañ jãn Jeova Ikijjeen Jar

Jeova ej kõm̦m̦an bwe ine in m̦ool eo en em̦m̦an an eddek ilo bũruon juon armej. (1Ko 3:6-9) Kõn men in, bwe jen maroñ lo tõprak ilo jerbalin kwal̦o̦k naan, jej aikuj atartar ioon Jeova bwe en jipañ kõj im rũkkatak Baibõl̦ ro ad.

Jar ñan Jeova bwe en jipañ rũkkatak ro am̦ ñan kijenmej im el̦l̦ã ioon apañ ko. (Pil 1:9, 10) Im lukkuun kaalikkar men ko kwõj jar kaki. Jar kõn jetõb kwõjarjar bwe en tõl l̦õmn̦ak im kõm̦m̦an ko am̦. (Lk 11:13) Katakin rũkkatak ro am̦ kõn kilen wãween aer jar, im rõjañ er bwe ren kõm̦m̦ane. Jar ippãn rũkkatak ro am̦. Im ilo am̦ ãindein, jar kake er ilo am̦ kõjerbale etaer.

ALWÕJE PIJA EO ETAN LO LAÑLÕÑ EO ME EJ ITOK JÃN JERBALIN KÕM̦M̦AN RI-KAL̦OOR​—BÕK JIPAÑ JÃN JEOVA—​JAR, INNEM UWAAKE KAJJITÕK KEIN ITULAL̦:

• Ta apañ eo Neeta ear iioone ippãn rũkkatak eo an, Jade?

• Ewi wãween an 1 Korint 3:6 kar jipañ Neeta?

• Ewi wãween an kar Neeta lo tõprak jãn apañ eo an?