KAL̦APL̦O̦K AM̦ JEL̦Ã KWAL̦O̦K NAAN | KAL̦APL̦O̦K AM̦ LAÑLÕÑ ILO JERBALIN KWAL̦O̦K NAAN
Tõpar Bũruon Armej Ro
An juon pokake Anij, ej itok jãn bũruon. (JK 3:1) Kõn men in, ñe jej katakin, jej aikuj kate kõj ñan tõpar bũruon ri-roñjake ro ad. Ewi wãween?
Kwõn jab baj katakin wõt rũkkatak eo am̦ kõn katak ko rem̦ool jãn Baibõl̦, ak jipañe ñan an kile wãween an katak ko jelõt mour eo an im kõtaan eo an ippãn Jeova. Jipañe ñan kwal̦o̦k an kam̦m̦oolol kõn wãween an Baibõl̦ eo kwal̦o̦k kõn an Anij yokwe, em̦m̦an, im wãnõk. Kajjioñ kõjerbal kajjitõk ko bwe en kwal̦o̦k bũruon im ñan jipañe bwe en make etale wãween an eñjake kõn men ko ej katak kaki. Jipañe bwe en l̦õmn̦ak kõn tokjãn ko me emaroñ bũki el̦aññe ej kajim̦we wãween an l̦õmn̦ak kõn juon men ej imminene in kõm̦m̦ane. Ñe kwõj lo an rũkkatak eo am̦ kwal̦o̦k an yokwe Jeova jãn bũruon, enaaj l̦apl̦o̦k am̦ lañlõñ.
ALWÕJE PIJA EO ETAN EXPERIENCE THE JOY OF DISCIPLE-MAKING—IMPROVE YOUR SKILLS—REACHING THE HEART, INNEM UWAAKE KAJJITÕK KEIN ITULAL̦:
Etke Neeta ear kajjitõk ippãn Jade im ba: “Kwaar ke bar l̦õmn̦ak kõn jabdewõt iaan men ko jaar kõnnaan kaki M̦ande eo?”
Ewi wãween an kar Neeta jipañ Jade ñan mel̦el̦e kõn wãween an Baibõl̦ eo kaalikkar bwe Jeova ej yokwe e?
El̦aññe jenaaj tõpar bũruon rũkkatak ro ad, men in enaaj kõm̦akũt er ñan kõm̦m̦an wõnm̦aanl̦o̦k
Ewi wãween an kar Neeta jipañ Jade ñan l̦õmn̦ak kõn wãween an maroñ kaalikkar yokwe eo an ñan Anij?