Kõjerbal M̦õn̦õn̦õ kõn Mour ñan Indeeo! ilo Jerbalin Kwal̦o̦k Naan eo Am̦

Jelukkuun m̦õn̦õn̦õ bwe ewõr ippãd juon brochure im juon bok ekããl ñan katak Baibõl̦ ippãn armej ro! Jej jar bwe Jeova en kõjeraam̦m̦an ad kate kõj ñan kõm̦m̦an elõñ ri-kal̦oor ro. (Mt 28:18-20; 1Ko 3:6-9) Ewi wãween ad kõjerbal kein jerbal kein rekããl?

Kõnke bok in ekããl ej kõjerbal juon wãween katakin ekããl me kwõj bwebwenato, l̦oore naanin tõl kein ilo iien eo kwõj kõppojakl̦o̦k im̦aan im katak ippãn rũkkatak Baibõl̦ eo am̦.a

• Riiti katak eo, im etali kajjitõk ko

• Riiti eoon ko me rej ba “riit,” im jipañ rũkkatak eo ñan mel̦el̦e wãween aer ekkejell̦o̦k ñan katak eo

• Kõjo̦e im etali pija ko, im kwal̦o̦k jabdewõt kajjitõk ko em̦õj kõllaajraki

• Kajjioñ kam̦õje juon katak ilo iien eo komiro ej katak

Ilo iien am̦ kwal̦o̦k naan, lel̦o̦k m̦okta brochure eo ñan lale ñe armej eo eitoklimo. (Lale bo̦o̦k eo etan “Kilen Lel̦o̦k Brochure eo M̦õn̦õn̦õ kõn Mour ñan Indeeo! ilo Jinoin Ad Kõnnaan Ippãn Armej.”) El̦aññe em̦õj amiro katak kõn brochure eo im rũkkatak eo ekõn̦aan wõnm̦aanl̦o̦k wõt, innem lel̦o̦k bok eo im jinoe kõn katak 04. El̦aññe kwõj katak ippãn juon kõn bok kein, Baibõl̦ Ej Katakin im Pãd Wõt ilo Yokwe eo an Anij, innem ukote bok eo komiro ej katak kake ñan M̦õn̦õn̦õ kõn Mour ñan Indeeo! im lale ia eo komiro maroñ jinoe ie.

ALWÕJE PIJA EO ETAN KARWAINENEIK EOK ÑAN IIEN KATAK BAIBÕL̦ EO AM̦, INNEM UWAAKI KAJJITÕK KEIN ITULAL̦:

• Ta eo rũkkatak ro renaaj katak jãn bok eo ekããl?

• Etke kwõj aikuj kwal̦o̦k pija in ñan rũkkatak ro rekããl?

• Ta mejãnkajjik ko kwõj aikuj wõnm̦aanl̦o̦k wõt im rõjañe rũkkatak eo ñan kõm̦m̦ani im tõpari?​—Lale jaat eo etan “Un ko im Mejãnkajjik ko ñan Kajjojo M̦õttan.”