Jipañ Rũkkatak Baibõl̦ ro ñan Pãd ilo Kweilo̦k Ko

Kweilo̦k ko an eklejia rej juon iaan men ko raorõk ilo ad kabuñ ñan Jeova. (Sam 22:22) Aolep ro rej koba ippãn doon im kabuñ ñan Jeova rej lo lañlõñ im lo jeraam̦m̦an ko. (Sam 65:4) Ekkã an rũkkatak ro m̦õkaj aer kõm̦m̦an wõnm̦aanl̦o̦k ñe rej keini aer itok ñan kweilo̦k ko.

Ewi wãween am̦ maroñ jipañ rũkkatak Baibõl̦ ro am̦ bwe ren pãd ilo kweilo̦k ko? Wõnm̦aanl̦o̦k wõt im kũrtok er. Kwal̦o̦k ñan er pija eo etan Ta ko Rej Wal̦o̦k ilo Im̦õn Kweilo̦k ko Ammim? Kõmel̦el̦eiki er tokjãn ko jej bũki jãn ad pãd ilo kweilo̦k ko. (lff lesson 10) Kwõmaroñ kwal̦o̦k juon boin kwaar katak kake ilo juon kweilo̦k ak kwal̦o̦k jidik kõn ta ko naaj kõnono kaki ilo kweilo̦k eo ej pedotok. Lel̦o̦k ñan rũkkatak ro am̦ bokin katak ko me naaj kõjerbali ilo naaj iien en̦. Bareinwõt, kwõn m̦õn̦õn̦õ in jipañ er ilo men ko rej aikuj jipañ ie, bõlen rej aikuj ial̦ ñan kweilo̦k. Aolep kate ko kwõj kõm̦m̦ani enaaj l̦ap tokjãn ñe kwõnaaj loe an rũkkatak eo am̦ pãd ilo kweilo̦k eo an jinointata.​—1Ko 14:24, 25.

ALWÕJE PIJA EO ETAN JIPAÑ RŨKKATAK BAIBÕL̦ RO AM̦ ÑAN PÃD ILO KWEILO̦K KO, INNEM UWAAKE KAJJITÕK KEIN ITULAL̦:

• 

  Iien ta eo epel̦l̦o̦k Neeta ear kõjerbale ñan kũrtok Jade ñan juon iien kweilo̦k an eklejia?

• 

  Etke jej lo lañlõñ ñe rũkkatak ro ad rej pãd ilo kweilo̦k ko?

• 

  Ta eo Jade ear loe ke ear etal ñan kweilo̦k eo an jinointata?