Jipañ Rũkkatak Baibõl̦ ro Am̦ ñan Kõjparok jãn Kõm̦m̦ao ko Renana

Bwe rũkkatak Baibõl̦ ro ren maroñ jem̦jerãik Jeova, rej aikuj kããlõt aetõl ko rem̦m̦an. (Sam 15:1, 4) Aetõl ko rem̦m̦an enaaj jipañ er ñan kõm̦m̦ani men ko rejim̦we.​—JK 13:20; lff lesson 48, lv katak 3.

Kwal̦o̦k jouj im tũriam̦o ilo am̦ jipañ rũkkatak Baibõl̦ ro am̦ ñan kõjparok er jãn kõm̦m̦ao ko renana. Emaroñ pen ñan aer bõjrak jãn aer aetõl ro m̦õttaer ilo lal̦ in. Kõn men in, kwõn kwal̦o̦k am̦ lukkuun itoklimo kõn er ilo iien ko kwõjjab katak ippãer. Men in emaroñ kitibuj am̦ text e er, call e er, ak lol̦o̦k er. Ilo an rũkkatak ro am̦ kõm̦m̦an wõnm̦aanl̦o̦k, kwõmaroñ kũrtok er bwe ren kõm̦m̦ao ippãn armej ro an Anij. Innem renaaj lukkuun kile im lo bwe rej bõk elõñl̦o̦k jeraam̦m̦an ko jãn men ko rar luuji. (Mk 10:29, 30) Kwe bareinwõt kwõnaaj lo lañlõñ ñe kwõj lo an baam̦le eo an Jeova eddekl̦o̦k.

ALWÕJE PIJA EO ETAN JIPAÑ RŨKKATAK BAIBÕL̦ RO AM̦ ÑAN KÕJPAROK JÃN KÕM̦M̦AO KO RENANA, INNEM UWAAKE KAJJITÕK KEIN ITULAL̦:

• Ta in aetõl ko renana?​—1Ko 15:33

• Ewi wãween an kar Jade l̦õmn̦akel̦o̦k wãween an Kũrjin ro iiãio ippãn doon?

• Ewi wãween an kar Neeta jipañ Jade ñan aetõl ro rem̦m̦an im bõjrak jãn an aetõl ro renana?