Jo̦dikdik Ro​—Kwal̦o̦k Bũruom̦ ñan Jem̦am̦ im Jinõm̦

Etke kwõj aikuj kwal̦o̦k l̦õmn̦ak ko am̦ ñan rũtto ro jem̦am̦ im jinõm̦? (JK 23:26) Kõnke em̦õj an Jeova lel̦o̦k ñan er eddo eo ñan tõl im lale eok. (Sam 127:3, 4) Enaaj pen aer jipañ eok el̦aññe kwõj n̦ooj aolep l̦õmn̦ak im inepata ko am̦ jãn er. Bareinwõt, kwoban maroñ katak jãn wãween ko rar iiooni ilo mour ko aer. Ebõd ke ñan jab kwal̦o̦k jet iaan l̦õmn̦ak ko am̦? Ejjab aolep iien​—bõtab men eo de eo kwõn jab m̦on̦e eok make.​—JK 3:32.

Ewi wãween kwõmaroñ kõnono ippãn rũtto ro jem̦am̦ im jinõm̦? Kajjioñ kããlõt juon iien em̦m̦an ñan kwe im ñan er. El̦aññe men in epen ñan kwe, kwõmaroñ je juon lõta ñan juon iaaer im kwal̦o̦k l̦õmn̦ak im eñjake ko am̦ ñan er. Ta el̦aññe rekõn̦aan kõnnaan kõn juon men me kwõjjab kõn̦aan kõnnaan kake? Keememej bwe rekõn̦aan lukkuun jipañ eok. L̦õmn̦ak kõn rũtto ro jem̦am̦ im jinõm̦ ãinwõt am̦ rijjipañ, im jab am̦ ri-kõjdat. Ñe kwõnaaj kate eok kwal̦o̦k l̦õmn̦ak im eñjake ko am̦ ñan rũtto jem̦am̦ im jinõm̦, enaaj wõr tokjãn ñan mour eo am̦ kiiõ​—im ñan indeeo!—​JK 4:10-12.

ALWÕJE PIJA EO ETAN MY TEEN LIFE—HOW CAN I TALK TO MY PARENTS? INNEM UWAAKE KAJJITÕK KEIN ITULAL̦:

• 

  Ta eo Esther im Partik rar maroñ kile kõn erro make?

• 

  Ta eo kwõmaroñ katak jãn joñak eo an Jesus?

• 

  Ewi wãween an kar rũtto ro jem̦am̦ im jinõm̦ kwal̦o̦k aer kea kake eok?

• 

  Ta naanin kakapilõk ko ilo Baibõl̦ remaroñ jipañ eok ñan kõnono ippãn rũtto ro jem̦am̦ im jinõm̦?