MOURIN KŨRJIN
Wõn Ro Kwõj M̦õttãik Er ilo Online?
Mel̦el̦ein naan in m̦õttã “ej ñe ruo armej rej epaake doon kõn aer yokwe doon ak kautiej doon.” Ñan waanjoñak, Jonetan im Devid rar jino lukkuun m̦õttãik doon ãlikin an Devid m̦an Golaiat. (1Sa 18:1, UBS) Erro jim̦or ar kwal̦o̦k kadkad ko me ear kõm̦m̦an bwe erro en kõn̦aan m̦õttãik doon. Kõn men in, jem̦jerã ko rekajoor rej pedped ioon jel̦ãl̦o̦kjen̦ ko rejim̦we. Ebõk iien ñan lukkuun jel̦ã kajjien juon armej. Bõtab, ilo internet, elukkuun pidodo an armej ro “m̦õttãik” doon. Kõnke armej ro ilo online remaroñ pepe kõn ta eo remaroñ ba im kõjbwebweik wãween an ro jet watõk er, elukkuun pidodo ñan aer jab lukkuun kwal̦o̦k wõn er. Kõn men in, kwõn lukkuun pepe kõn wõn ro kwõnaaj m̦õttãik er ilo online. Jab mijak in jab m̦õttãik armej ro me kwõjjab lukkuun jel̦ã kajjier er ñe rej kajjitõk ñan m̦õttaik eok ilo online kõnke kwõmijak ñe kwõnaaj kõmetak eñjake ko aer. Kõnke ewõr jet kauwõtata, elõñ rar kããlõt ñan jab kõjerbal weepjait ko me ro jet rej m̦õttãik doon ie. Bõtab, ta el̦aññe kwõj kããlõt ñan kõjerbal weepjait ko me ro jet rej m̦õttãik doon ie, ta eo kwõj aikuj keememeje?
ALWÕJE PIJA EO ETAN BE SOCIAL-NETWORK SMART, INNEM UWAAKE KAJJITÕK KEIN ITULAL̦:
Ta eo kwõj aikuj etale m̦okta jãn am̦ illik naan ko im pija ko ilo online?
Etke kwõj aikuj lukkuun kõjparok ñe kwõj kããlõt ro m̦õttam̦ ilo online?
Etke kwõj aikuj kããlõt joñan iien eo kwõj jol̦o̦ke ilo online? —Ep 5:15, 16