MOURIN KŨRJIN
Jeova Ej Jipañ Kõj kõn Apañ ko Ad
Ilo raan kein ãliktata, jej iioon elõñ men ko reppen. Ewõr iien, jemaroñ l̦õmn̦ak bwe apañ ko ad remaroñ el̦l̦ap jãn joñan ad maroñ kijenmej kaki. Bõtab, el̦aññe jej wõnm̦aanl̦o̦k im ruwaakl̦o̦k ñan Jeova, enaaj jipañ kõj bwe jen kijenmej wõt kõn apañ ko relukkuun pen ñan kõj. (Ais 43:2, 4) Ewi wãween ad ruwaakl̦o̦k ñan Jeova ilo iien ko jej iiooni apañ ko?
Jar. Ñe jej lutõkl̦o̦k bũruod ñan Jeova, enaaj letok ñan kõj ineem̦m̦an im kajoor bwe jen kijenmej.—Pil 4:6, 7; 1Te 5:17.
Kweilo̦k ko. El̦apl̦o̦k jãn m̦okta, jej aikuji m̦õñã ko me rej kõkajoor jem̦jerã eo ad ippãn Jeova im ad kobal̦o̦k ippãn ro jeid im jatid me Jeova ej litok ilo kweilo̦k ko ad. (Hi 10:24, 25) Ñe jej kõppojak ñan pãd, im bõk kun̦aad ilo kweilo̦k ko an eklejia, jej lukkuun bõk tokjãn jãn jipañ eo jãn jetõb eo an Jeova.—Rev 2:29.
Kwal̦o̦k naan. Jenaaj lo an pidodo ad l̦õmn̦ak wõt kõn men ko rem̦m̦an ñe jej poub wõt ilo jerbalin kwal̦o̦k naan. Jenaaj bareinwõt lo an kajoorl̦o̦k jem̦jerã eo ad ippãn Jeova im rũttõmak ro jeid im jatid.—1Ko 3:5-10.
ALWÕJE PIJA EO ETAN JEHOVAH WILL TAKE YOU IN, INNEM UWAAKE KAJJITÕK KEIN ITULAL̦:
Ta eo ear jipañ Malu ñan pãd epaake wõt Jeova ilo iien ko ear iiooni apañ ko?
Ãinwõt Malu, ewi wãween an eoon eo ilo Sam 34:18 kaenõm̦m̦an kõj ilo iien ko jej iioon apañ ko?
Men eo me Malu ear iioone, ewi wãween an men in kwal̦o̦k bwe Jeova ej letok ñan kõj ‘kajoor eo el̦ap jãn joñan’ ñe jej iioon apañ ko?—2Ko 4:7