MOURIN KŨRJIN
Ro Jemãn im Jinen—Jipañ Ajri ro Nejimi ñan Bõk Mãlõtlõt eo jãn Anij
Juon iaan wãween ko rem̦m̦antata jemãn im jinen ajri ro remaroñ jipañ ro nejier ñan bõk mãlõtlõt eo jãn Anij ej ikijjeen aer jipañ er bwe ren bõk tokjãn jãn iien kweilo̦k ko. Men ko ro reddik rej loi, rej roñ, im rej kõnono kaki ilo aer uwaak ilo kweilo̦k ko emaroñ jipañ er ñan katak kõn Jeova im ñan erom jeran. (Dt 31:12, 13) Ñe kwõj juon jemãn ak jinen, ewi wãween kwõmaroñ jipañ eo nejũm̦ bwe en l̦apl̦o̦k an bõk tokjãn jãn kweilo̦k ko?
Kate eok joñan wõt am̦ maroñ bwe kwõn pãd ilo iien kweilo̦k ko ilo Im̦õn Kweilo̦k eo.—Sam 22:22
Kõm̦m̦an iien ñan ami bwebwenato im kõm̦m̦ao ippãn ro jeim̦ im jatũm̦ ilo Im̦õn Kweilo̦k eo m̦okta ak ãlikin kweilo̦k eo.—Hi 10:25
Kõm̦m̦an bwe en wõr an kajjojo uwaan baam̦le eo kaape in bok ko me renaaj katak kaki ilo kweilo̦k eo, emaroñ ilo bok ak ilo tablet
Jipañ ajri eo nejũm̦ ñan kõpooj juon an uwaak ilo naan ko an make.—Mt 21:15, 16
Kõnono kõn men ko rem̦m̦an ilo iien kweilo̦k ko im men ko kwõj katak kaki ilo kweilo̦k kein
Jipañ ajri ro nejũm̦ bwe ren bõk kun̦aaer ilo m̦akũtkũt ko ãinwõt karreo Im̦õn Kweilo̦k eo im bwebwenato ippãn ro rerũtto ilo eklejia eo
Ej juon jerbal el̦ap ñan jipañ ro nejũm̦ ñan epaakel̦o̦k Jeova, im jet iien emaroñ lukkuun pen im eddodo. Bõtab, kwõmaroñ lõke bwe Jeova enaaj jipañ eok.—Ais 40:29.
ALWÕJE PIJA EO ETAN AS PARENTS, RELY ON JEHOVAH AND HIS STRENGTH, INNEM UWAAKE KAJJITÕK KEIN ITULAL̦:
Kõn an kar Zack im Leah m̦õk, ewi wãween an kar men in jelõt erro?
Etke ro jemãn im jinen ajri ro rej aikuj reilo̦k ñan Jeova bwe en kõkajoor er?
Ilo wãween et ko Zack im Leah rar atartar ioon Jeova bwe en jipañ er?