Kein Jipañ ñan Katak
Kiili “Al in Kabuñ” ko Ad
“Ilo iien ko ij l̦õmn̦ak bwe ejjel̦o̦k tokja, Jeova ej kõkajoore eõ ikijjeen al ko ilo JW Broadcasting®.”—Lorraine, America.
Eto an “al in kabuñ” ko m̦õttan ad kabuñ ñan Jeova. (Kol. 3:16) El̦aññe kwõnaaj kiili al kein, remaroñ jipañ eok meñe enaaj ejjel̦o̦k am̦ bokin al ak juon device. Kajjioñe kõl kein me renaaj jipañ eok ñan kiili al ko ad.
Lukkuun riiti naan ko ilo al eo bwe kwõn jel̦ã mel̦el̦ein al eo. Ñe kwõj mel̦el̦e kõn juon men, epidodol̦o̦k am̦ keememeje. Naan ko ñan aolepen al ko ad, ekoba al in roñjake ko im al ko an ajri, rej pãd ilo jw.org. Ium̦win ijo ej ba L̦ãibrãre, etal ñan ijo ej ba Al.
Je naan ko ilo al eo. Ñe kwõnaaj ãindein, enaaj pidodol̦o̦k am̦ kiili naan ko.—Dut. 17:18.
Kwal̦o̦k ainikiem ilo am̦ kõmmãlmel. Riiti ak al kake al eo elõñ alen.
Lale ñe kwõmaroñ keememej. Kajjioñ ba ak al kake naan ko ilo am̦ jab lale naan ko ilo al eo, innem lale ñe ejim̦we am̦ kiili naan ko.