Kõjerbale Baibõl̦ eo Ãinwõt Juon Kilaaj

Rijjilõk Jemes ear keidi Baibõl̦ eo ñan juon kilaaj me emaroñ jipañ kõj ñan lo kain armej rot kõj itulowa. (Jem. 1:​22-25) Ewi wãween jemaroñ kõjerbale Baibõl̦ eo ãinwõt juon kilaaj?

Lukkuun riiti. Ñe em̦õkaj ad lale kõj make ilo juon kilaaj, jemaroñ jab lo juon jikin ejjab jejjet ippãd. Bwe jen maroñ lo ta ko ippãd jej aikuj kakõm̦anm̦anl̦o̦k, jej aikuj liñõri Naanin Anij ilo ad bõk ad iien im lukkuun riiti.

Kalimjek kwe make im jab ro jet. Jet iien ñe jej kalimjeke juon kilaaj, jemaroñ lo ro jet me rej pãd iturid, im emaroñ l̦ap ad kalimjeke jikin ko rejjab jejjet ippãer. Ejja ãindeinl̦o̦k wõt, jemaroñ riiti Baibõl̦ eo im l̦õmn̦ak kõn ta ko ro jet rej aikuj kakõm̦anm̦anl̦o̦k. Bõtab men in eban jipañ kõj kakõm̦anm̦anl̦o̦k wãween ko ippãd.

Kwõn juon ri-mel̦el̦e. Ñe el̦ap wõt ad kalimjek likjab ko ippãd me jej loi ilo kilaaj eo, jemaroñ oktak im ebbweer. Jen juon ri-mel̦el̦e ñe jej riiti Naanin Anij ikijjeen ad jab kõtmãne bwe en l̦apl̦o̦k men ko jej aikuj kõm̦m̦ani jãn joñan eo me Jeova ej kajjitõk jãn kõj.—Jem. 3:17.