KATAK 27
Ewi Wãween an Mej eo an Jesus Maroñ Lo̦mo̦o̦ren Kõj?
Jej jerawiwi, eñtaan, im mej kõn wõt an kar rippãlele ro jinointata Adam im Iv, jab pokake Anij.a Meñe ãindein, ak ejjab mel̦el̦ein bwe ejjel̦o̦k ad kõjatdikdik. Em̦õj an Jeova kõpel̦l̦o̦k juon ial̦ bwe jen maroñ rõl̦o̦k jãn ad lia kõn jerawiwi im mej ikijjeen eo Nejin, Jesus Christ. Baibõl̦ eo ej katakin kõj bwe ikijjeen mej eo an Jesus, ear kõl̦l̦ã kõn mour eo an ñan lo̦mo̦o̦ren armej. An kar kõm̦m̦ane men in ej bwe en maroñ karõl̦o̦k kõj jãn jerawiwi im mej. On̦ããn eo Jesus ear kõl̦l̦ã kake ej mour eo an eweeppãn ãinwõt juon armej. (Riit Matu 20:28.) Ke Jesus ear m̦õn̦õn̦õ in kaarmejjeteik maroñ eo ippãn ñan mour indeeo ijin ioon lal̦, ear kõpel̦l̦o̦k juon ial̦ ñan ad maroñ bõk aolep jeraam̦m̦an ko Adam im Iv rar luuji. Jesus ear bar kaalikkar ewi joñan aerro Jeova yokwe kõj. Katak in enaaj jipañ eok kam̦wilal̦l̦o̦k am̦ kam̦m̦oolol kõn mej eo an Jesus.
1. Ewi wãween ad maroñ bõk tokjãn jãn mej eo an Jesus ilo raan kein?
Kõnke jej rijjerawiwi, elõñ men ko jej kõm̦m̦ani me rej kabũrom̦õj Jeova. Meñe ãindein, ak el̦aññe jej m̦oolin ukel̦o̦k jãn jerawiwi ko ad, im kajjitõk ippãn Jeova ikijjeen Jesus Christ bwe en jeorl̦o̦k bõd ko ad im ñe jenaaj kate kõj ñan jab bar kõm̦m̦ani bõd kein, jemaroñ m̦õn̦õn̦õ kõn juon jem̦jerã epaak ippãn Anij. (1 Jon 2:1) Baibõl̦ ej ba: “Christ, eo ewãnõk, ear mej juon wõt alen kõn jerawiwi ko an ro rejjab wãnõk, kõnke en maroñ tõl kom̦ ñan Anij.”—1 Piter 3:18.
2. Ilo ilju im jekl̦aj, ewi wãween jemaroñ bõk tokjãn jãn mej eo an Jesus?
Jeova ear jilkintok Jesus ñan aje mour eo an eweeppãn ãinwõt juon armej “bwe jabdewõt eo ej kwal̦o̦k an tõmak ilo [Jesus], en jab jako ak en bõk mour indeeo.” (Jon 3:16) Kõn wõt men eo Jesus ear kõm̦m̦ane, Jeova enaaj julo̦ki aolep men ko renana rar wal̦o̦k itok jãn an Adam jab pokake. Mel̦el̦ein bwe ñe jenaaj kwal̦o̦k ad tõmak ilo katok in mour eo an Jesus, enaaj wõr juon ial̦ epel̦l̦o̦k ñan ad maroñ mour indeeo ijin ioon lal̦ ilo juon pedetaij!—Aiseia 65:21-23.
KAM̦WILAL̦L̦O̦K AM̦ MEL̦EL̦E
Kal̦apl̦o̦k am̦ mel̦el̦e kõn unin an kar Jesus aje mour eo an, im lale ewi wãween kwõmaroñ bõk tokjãn jãne.
3. Mej eo an Jesus ej kanemkwõj kõj jãn jerawiwi im mej
Kõjo̦e PIJAIN ALWÕJ eo, innem bwebwenato kake kajjitõk in:
Adam ear juon eo eweeppãn im ear jab pokake Anij, kõn men in Adam ear likũt armej ilo ial̦ eo ej tõll̦o̦k ñan jerawiwi im mej
Jesus ear juon eo eweeppãn im ear pokake Anij, kõn men in Jesus ear likũt armej ilo ial̦ eo ej tõll̦o̦k ñan weeppãn im mour indeeo
4. Aolep armej remaroñ bõk tokjãn jãn mej eo an Jesus
Kõjo̦e PIJAIN ALWÕJ eo, innem bwebwenato kake kajjitõk in:
Ewi wãween an aolep armej maroñ bõk tokjãn jãn mej eo an juon wõt armej?
Riit 1 Timote 2:5, 6, innem bwebwenato kake kajjitõk in:
Adam ear juon eo eweeppãn im ear likũt armej ro ilo ial̦ eo ej tõll̦o̦k ñan jerawiwi im mej. Jesus ear bareinwõt juon eo eweeppãn. Innem, ilo wãween et ear “kõl̦l̦ãik joñan on̦ããn eo kar aikuji ñan karõl̦o̦k aolep”?
5. Katok in mour eo an Jesus ej menin letok eo an Jeova ñan eok
Ro jeran Jeova rej watõk katok in mour an Jesus ãinwõt juon menin lel̦o̦k ñan er make. Ñan waanjoñak, riit Galetia 2:20, innem bwebwenato kake kajjitõk in:
Ewi wãween an kar rijjilõk Paul kaalikkar bwe ear watõk katok in mour eo an Christ ãinwõt juon menin lel̦o̦k ñan e make?
Ke Adam ear jerawiwi, kar liaakel̦o̦k e im aolep ro ineen ñan mej. Ijoke, Jeova ear jilkintok Nejin ñan mej bwe kwõn maroñ mour ñan indeeo.
Ilo am̦ riiti eoon kein, pijaikl̦o̦k m̦õk ewi joñan an kar rup bũruon Jeova ke ear lo an eo Nejin eñtaan. Riit Jon 19:1-7, 16-18, innem bwebwenato kake kajjitõk in:
Ewi wãween am̦ eñjake kõn men eo Jeova im Jesus rar kõm̦m̦ane ñan kwe?
JUON EMAROÑ KAJJITÕK: “M̦ool ke juon wõt em̦m̦aan emaroñ mej kõn aolep armej?”
En kar ewi wãween am̦ uwaak?
TARLEP IN KATAK EO ILO TUKADU
Kõn wõt an kar Jesus mej, Jeova emaroñ jeorl̦o̦k bõd ko ad, im ewõr ad kõjatdikdik ñan mour indeeo.
Ãlij
Etke Jesus ear mej?
Ewi wãween an mour eo an Jesus ãinwõt juon armej eweeppãn joñan wõt on̦ããn eo kar aikuji ñan karõl̦o̦k aolep?
Ewi wãween am̦ maroñ bõk tokjãn jãn mej eo an Jesus?
KAL̦APL̦O̦K AM̦ MEL̦EL̦E
Katak im lale etke mour eo an Jesus ãinwõt juon eo eweeppãn ej joñan on̦ããn eo kar aikuji ñan karõl̦o̦k armej jãn jerawiwi im mej.
“How Is Jesus’ Sacrifice ‘a Ransom for Many’?” (Katak eo ilo online)
Lale ta ko jej aikuj kõm̦m̦ani bwe jen maroñ bõk lo̦mo̦o̦r.
Jeova emaroñ ke jeorl̦o̦k jerawiwi ko rel̦l̦ap?
Lale ewi wãween an kar katok in mour eo an Christ jipañ juon em̦m̦aan ñan ukot mour eo an.
a Jerawiwi ejjab baj mel̦el̦ein kõm̦m̦an ko wõt renana, ak ej bar mel̦el̦ein juon wãween ippãd me ejorrããn im jaar jolõte jãn Adam im Iv.