Anij Emaroñ Jeram Eo Emõntata

Erom jeran Anij ej men eo emõntata emaroñ walok ñan yuk. Anij enaj katakin yuk kin ewi wãwen am maroñ mõnõnõ im jokane; enaj kanemkwoj yuk jen elõñ katak ko rewan im manit ko rekauwatata. Enaj roñjake jar ko am. Enaj jibañ yuk ñan lañliñ kin ainemõn im liki ilo buruõm. (Sam Ko 71:5; 73:28) Anij enaj rejetak yuk ilo ien ko rabañ. (Sam Ko 18:18) Im Anij ej lewõj men in letok eo an kin mour indio.​—Dri Rom 6:23.

Ñe kwoj kebak Anij, kwonaj kebak armij ro rej jeran Anij. Renaj jeram bareinwõt. Ilo mol, renaj einwõt jeõm im jatõm. Renaj mõnõnõ in katakin yuk kin Anij im jibañ im rejañ yuk.

Jejjab joñan wõt juõn ibben Anij. Ñe kwoj bukõt am jimjera ibben Anij, kwoj aikwij melele kin juõn nan emol an eaorõk. Jimjera ibben Anij ejjab melelen jej joñan wõt juõn ibben. Ej rittolok im elaplok an meletlet im kajur jen kij. Ej Iroij eo ad ejimwe. Inem elañe jekõnan erom jeran, jej aikwij bokake e im kõmmane men eo ej jiroñ kij bwe jen kõmmane. Men in enaj wõr tokjen ñan kij ien otemjej.​—Aiseia 48:18.