Katak 11

Tõmak im Manit Ko Anij Ejjab Buñburuen Kaki

Kain rot tõmak im manit ko rebwid? (1)

Christian ro rej aikwij tõmak ke bwe Anij ej juõn Trinity (jilu anij ilo juõn)? (2)

Etke Christian ro remol rejjab kememe Christmas, Easter, ak birthday (kemem)? (3, 4)

Ro remij remaroñ ke kokkure ro remour? (5)

Jesus ear mij ke ion juõn debail? (6)

Ewi aorõkin kabuñburuen Anij? (7)

1. Ejjab aolep tõmak im manit ko renana. Ak Anij ejjab buñburuen kaki elañe rej itok jen kabuñ wan ak rej nae katak ko ilo Bible.​​—Matthew 15:6.

2. Trinity (jilu anij ilo juõn): Jehovah ej juõn Trinity ke​—jilu Anij ilo juõn? Jaab! Jehovah, Jemer, ej “juõn wõt Anij emol.” (John 17:3; Mark 12:29) Jesus ej manje eo Nejin, im ettãlok jen Anij. (1 Korint 11:3) Jemen eutiejlok jen Nejin. (John 14:28) Jitõb kwojarjar eo ejjab juõn armij; ej kajur eo ej jerbal an Anij.​—Genesis 1:2; Jerbal 2:18.

3. Christmas im Easter: Jesus ear jab lotak ilo December 25 ran. Ear lotak ebake October 1 ran, juõn ien ke shepherd ro rar bed inabõj ibben men in mour ko nejeir ilo boñ. (Luke 2:8-12) Jesus ear jab kakien Christian ro ñõn kememe ran in lotak eo an. Jen men in, ear jiroñ ri kalor ro an ñõn kememe, ak kememej, ran in mij eo an. (Luke 22:19, 20) Christmas im manit ko mantin rej itok jen kabuñ in etto ko rewan. Ej ejja wãwen eo wõt ibben manit ko mantin Easter, einwõt kajerbal lep im rabbit ko. Christian ro mokta rar jab kememe Christmas ak Easter, im Christian ro remol rainin rejjab bareinwõt.

4. Birthday ko (kemem): Kemem ko ruo wõt Bible ej konono kaki armij ro me rar jab kabuñ ñõn Jehovah rar kwojkwoje. (Genesis 40:20-22; Mark 6:21, 22, 24-27) Christian ro mokta rar jab kemem. Manit eo mantin kemem ear itok jen kabuñ in etto ko rewan. Christian ro remol rej lelok men in lelok ko im mõnõnõ ibben don ilo ien ko jet ilo juõn yiõ.

5. Mijak Eo Emij: Eo emij ejjab maroñ kõmmõn ak eñjake jabdewõt men. Jejjab maroñ jibañ ir, im rejjab maroñ kokkure kij. (Psalm 146:4; Ecclesiastes 9:5, 10) An emaroñ mij; ejjab maroñ mour wõt elikin ej mij. (Ezekiel 18:4) Ak jet ien enjel ro renana, naetan dimon ro, rej walok einwõt jitõb ro an ro remij. Jabdewõt manit ko me rej kitibuj mijak ak kabuñ ñõn ro remij rebwid.​—Isaiah 8:19.

6. Debail: Jesus ear jab mij ion juõn debail. Ear mij ion juõn jur ak alal. Ilo elõñ Bible ko nan in Greek eo rar ukõte “debail” ear melelen juõn wõt mõttan alal. Kakõlle eo kakõllan debail ej itok jen kabuñ in etto ko rewan. Christian ro mokta rar jab kajerbal ak kabuñ ñõn debail eo. Inem, kwoj lemnak ke bwe enaj jimwe ñõn kajerbal juõn debail ilo ad kabuñ?​—Deuteronomy 7:26; 1 Korint 10:14.

7. Emaroñ lukkun bin ñõn illok jen jet ian tõmak im manit kein. Ro nukum im mõttam remaroñ kajeoñ in karel yuk ñõn jab ukõt tõmak ko am. Ak kabuñburuen Anij elaplok an aorõk jen kabuñburuen armij.​—Jabõn Kennan 29:25; Matthew 10:36, 37.

[Pija eo ilo peij 22]

Anij ejjab juõn Trinity

[Pija eo ilo peij 23]

Christmas im Easter rej itok jen kabuñ in etto ko rewan

[Pija eo ilo peij 23]

Ejelok unin kabuñ ñõn eo emij ak ñõn mijak ir