Lisin 15

God panika nani ba diara pain ba dauki bangwi sa

Yawan nani pâna kum bri bara aihka pali yamni kaiki bara yawan rispik muni taim, trai kaiki sa yawan witin baku kaia. Baibil ba wisa: “Pain bara wapni sa Jehova ba” (Salmo 25:8). God panika nani kaia sa kaka, yawan nani upla pain bara wapni kaia. Baibil ba wisa: “God tnata luki dadaukra bangwi bas, luhpia latwan kira nani baku, bara ban latwan lakara tauki bas” (Efesus nanira 5:​1, 2). Naha nani na tanka nani kum kum sa yawan nani nahki God tnata luki daukaia sip ba:

Wala nanira hilp muni wal. “Pain ba dauki bangwi kap upla sut aikuki.”​—Galeshan nanira 6:10.

Wark tatakra pain bangwi kaia. “Impliki ba, kau implikbiara, ban sakuna, kau pain ba wark karna takbia, wark pain kaka ai mihta nani wal dauki.”​—Efesus nanira 4:28.

Wîna tara mapara klin bangwi bara ai daukan kara. “Yawan taski apu klin bri kap wan wîna tara bara wan spirit ka sin, God sibrinka ra holi laka ba kasak dauki wal.”​—2 Korint nanira 7:1.

Wan pamalika nanira rispik muni bara latwan kaiki wal. “Man nani kumi bani ba [ . . . ] maiam mairin ra latwan kaiks winam tara ra latwan kaikisma ba baku; tanka wala ba, maia mairin ba ai maia waitna ra rispik tara bri kaia sa. Luhpa nani, bila wawalra bangwi bas aisikam nanira.”​—Efesus nanira 5:​33–6:1.

Wala nanira latwan kaiki kira. “Pana pana latwan kaiki bangwi kap, kan latwan laka ba God dukiasa.”​—1 Jan 4:7.

Kontri laka nani ba bila walikira. “Sulka sut ba [gabamint ra] bawaia sa [ . . . ]. Sutra yas dia yabaia ba: Pura mana aibapaia makabi ba, pura mana aibapaia.”​—Roman nanira 13:​1, 7.