Pâmnika nani pain wahbi sâks

Pâna pain nani ba wan rayaka ra liliaka manis wankisa. Bara piua karna nani ra sin, ai hilpka wal wan kupia bukisa. Sakuna, amya tikpara, Baibil ba wisa upla sut ba lika pâna pain apia sa. Baku sa kaka, ¿nahki tnatka ra pâna nani wahbi sakaia sip sa? Makabi walanka nani aman laki kaiks.

1. ¿Pâmnika nani ba rayakam ra dîa munaia sip sa?

Aima ailal ra yawan ya nani wal kau taim lui ba wal, pain apia kaka saura kabia kra sin, ai daukanka nani ba nina blikisa. Baha ba takaia sip sa wan lamara banhwi pânika nani wal, apia kaka Internet ku sin. Baibil wi ba baku: “Sinskira nani wal tauki bas, bara sinskira kama; taniskira nani [Jehova ra latwan kaikras uplika nani] wal tauki bas, bara mai sauhki mai tikbia” (Sins Lâka 13:20). Jehova ra latwan kaiki mayuni pânika nani ba hilp mai munaia sip sa ban Jehova lamara kaia, bara pain wahbi sakaia dukiara sin. Sakuna, kangrigisan wina apia nani wal pâna takma kaka, Jehova wina laihura mai sakaia sip sa. Baha mita Baibil ba wan smalkisa, wan pânika nani pain wahbi sâkbia. Wan pânika nani Jehova ra latwan kaikisa taim, upla sut yamnika brisa. Baha mita Baibil wan smalkisa: “Pana pana tâm baiki bas, bara pana pana sin walkam ra hilp muni bas” (1 Tesalonaika 5:11).

2. ¿Dîa sât pânika wahbi sakisma ba dukiara Jehova dîa lukisa?

Jehova ba ya ai pânika kabia sapa pain wahbi sakisa. Kan naku wisa, “pain nani ra ai kupia aiska kulkisa” (Sins Lâka 3:32). Yawan ba witin ra latwan kaikras uplika nani wal pâna takbia kaka, ¿Jehova nahki ai dara walbia? ¡Uba sari kabia! (Jems 4:4 aisi kaikma). Sakuna pâna saura nani wina sait ra taki, Jehova lamara wabia kaka, bara witin ra latwan kaiki nani wal pâna takbia kaka, Jehova lilia kabia bara ai pânika nani takbia (Lawana Nani 15:1-4).

KAU LAN TAKS

3. Pâna saura nani wina sait ra kap

Pâna saura nani ba Jehova ra latwan kaikras, bara ai kupia lâka daukras uplika nani sa. LILKA ba kaikma bara naha dukiara aisi banhma:

LILKA: Pâna saura nani ba wal asla kaia apia (6:17)

• ¿Nahki sip sa wan dara walraskira pâna saura nani wal taukaia?

1 Korint 15:33 aisi kaikma bara naha dukiara aisi banhma:

• ¿Man mampara ya nani pâna saura kaia sip sa? ¿Dîa muni?

Lawana Nani 119:63 aisi kaikma bara naha dukiara aisi banhma:

• ¿Pâna kum briaisma taim, diaura lukaia nit sma?

4. Yawan upla sât sât wal pâna takaia sip sa

Baibil ba Debit bara Janatan, patitara Israel waitnika wâl ba dukiara aisisa. Witin nani ba manka bara rayaka sât wala bri kan, kuna pâna painkira nani takan. 1 Samuil 18:1 aisi kaikma bara naha dukiara aisi banhma:

• ¿Dîa muni nit apia sa wan pânika nani ba yawan wal sim manka apia kaka, wan iwanka wal sim sât kaia?

Roman 1:11, 12 aisi kaikma bara naha dukiara aisi banhma:

• ¿Jehova ra latwan kaiki pânika nani ba nahki pana pana ai kupia buki banhwisa?

¿Wahma kum ba bîla kaikras kan pliska kum ra nahki pâna nani sakan? LILKA ba kaikma bara naha dukiara aisi banhma:

LILKA: Bîla kaikras kan pliska ra pâna nani sâkma (5:06)

• ¿Akil aisika bara yaptika ba dîa muni ai luhpia skulka pânika nani dukiara wari taki kan?

• ¿Dîa muni Akil ba tâura baha sât pânika nani laik kan?

• ¿Witin dîa daukan yakan ai dara walaia apia dukiara?

5. Pâna pain nani nahki pliki sakaia

LILKA: ¿Pâna rait aihwa kum ba dîa sa ki? (4:14)

Sins Lâka 18:24 bara 27:17 aisi kaikma, bara naha dukiara aisi banhma:

• ¿Pâna rait aihwa nani ba nahki pana pana hilp munisa?

• ¿Man sin baha sât pânika nani brisma? Apia sa kaka, ¿nahki pliki sakaia sip sma?

Pilipai 2:4 aisi kaikma bara naha dukiara aisi banhma:

• Pâna pain nani briaia dukiara, man sin pâna pain kum kaia nit sma. ¿Nahki daukaia sip sa?

DÎA LAN TAKRAM

Pâna pain wahbi sakisa taim, yamnika brisa bara Jehova kupia lilia daukisa.

Wan kupia krawaia

• ¿Dîa muni yawan dîa sât pânika wahbi saki ba Jehova mapara tânka tara brisa?

• ¿Dîa sât pânika nani wal taukaia apia sa?

• ¿Nahki sip sma upla pain nani wal pâna lâka karna kum pakaia?

KAU PLIKI KAIKS

Kaiks pâna rait aihwa nani ba piua karna nani ra nahki pana pana hilp munisa.

“Tnata kau balras kainara pâna lâka karna nani pâks” (La Atalaya noviembre, 2019)

Laki kaiks dîa daukaia sip sma pâna pain nani pliki sakaia dukiara.

“¿Pâna pain nani ba dîa sât uplika sa?” (Lo que los jóvenes preguntan. Respuestas prácticas [volumen 1], sapta 8)

¿Internet pânika nani dukiara dîa nu kaia nit sma?

Internet ra pâna brisma kaka, dîa ba nu kaia sma (4:12)

“Aisa kum briaia want kapri” sturka ra, aisi kaiks dîa muni waitna kum ba ai pânika nani chens munan.

“Baibil ba upla rayaka chens munisa” (La Atalaya abril 1, 2012)