AGOSTO 5-11

LAWANA NANI 70-72

**Lawana sjj-S 59 bara pura sunra | Tâ krikaia bîla nani** (1 min.)

BAIBIL WINA DIARA MANAKIRA BA

1. Gâd karnika dukiara kiamka aula nani ra aisamna

(10 min.)

Debit wahma kan piua ra Jehova witin ra nahki kaina kahbi kan ba kaikaia sip kan (Law 71:5; w99-S 1/9 18 baiki s. 17).

Debit almuk takan piua ra Jehova nahki witin ra tâ baiki kan ba kaikan (Law 71:9; g04-S 8/10 23 baiki s. 3).

Wahma tiara nani kasakka lukan lâka kau karna daukaia dukiara, Debit ai rayaka ra dîa takan ba dukiara aisi kan (Law 71:17, 18; w14-S 15/1 23 baiki s. 4, 5).

“Pamali mayunra daukaia dukiara lukanka painkira nani” Wik luan ra takan programka ra pamalika taki ba. Ai pamalika mayunra ra marit almuk kum ra paiwan. Ai sturka nani liliakira wali banhwisa bara ai lilkika nani sin kaikisa.

SILP MAMKABI WALS: “¿Kangrigisan ra Jehova warkka dauki pat mani ailal bri muihni lakri nani tila wina yaura pamali mayunra ra ai sturka walaia want sna ki?”.

2. Spirit dukia walpa manakira pliki sakaia

(10 min.)

Law 72:8. Blasi Sturka 15:18 ra Jehova Ebraham ra dîa pramis munan ba, ¿Salaman king aimaki kan piua ra nahki aimakan? (it-1-S 883).

Dîa lukisma ba uls
¿Naha wikka Baibil aisi kaikanka ra dîa spirit dukia walpa manakira nani sakram?

Dîa lukisma ba uls

3. Baibil aisi kaikanka ba

(4 min.) Law 71:1-24 (th lisin 5).

SMALKAIA WARKKA RA KAU PAIN RIDI TAKAIA

4. Upla wal aisaia tâ kriks

(3 min.) UTLA UTLA RA SMALKAIA. Uplika mampara aisaia tâ krikisa taim, kupia yamni lâka mariki aisankam ba tnata praks (lmd sapta 4 numba 5).

5. Upla ra kli wih kaiks

(4 min.) BAN WINA SMALKAIA. Pamalikam uplika kum Baibil stadika tâ krikaia, namhpa namhpa luki ba wal kli aisas (lmd sapta 8 numba 4).

6. Kasakkam lukan lâka dukiara aisas

(5 min.) Aisanka. Ijwfq 49. Lalka: ¿Dîa muni Jehova witniska nani ba ai smalkanka nani kum kum chens munan sa ki? (th lisin 17).

KRISTIAN RAYAKA BA

**Lawana sjj 76**

7. Pamali mayunra daukaia dukiara lukanka painkira nani

(15 min.) Wali nani wal laki kaikbia.

Sim pamalika ai mina ra bûi Jehova ra mayunra lawanka kum aiwani praptis munisa.

Pamalika ba JW Broadcasting lilkika kum kaikisa.

Pamali mayunra ra yaptika bara ai luhpia mairin ba ai rayaka ra takan dukia kum marikanka daukisa.

Luhpa nani Jehova smalkanka tara kulkaia lan takaia dukiara, pamali mayunra ba sanska painkira kum sa (Epe 6:4). Baibil tânka kau lan takaia dukiara karna trai munaia nit sa, kuna luhpia nani kau nu takaia brinka paki wabia dukiara, pamali mayunra ba piua lilia kum daukaia sa (Jn 6:27; 1Pi 2:2). Pamali sut liliakira lan takbia dukiara, aisa yapti nani ba “Pamali mayunra daukaia dukiara lukanka painkira nani” bakska ra taki lukanka nani ba yus munaia sip sa. Bara naha makabi walanka nani dauks:

¿Naha lukanka nani tila wina ani ba luki daukaia want sma ki?

Dîa lukisma ba uls
¿Alki dauki yamnika sakram lukanka kum brisma ki?

Dîa lukisma ba uls

PAMALI MAYUNRA DAUKAIA DUKIARA LUKANKA PAINKIRA NANI

BAIBIL

Wik bilara aidrubanka ra aisi kaiki Baibil tikska nani ba aikuki wals, apia kaka aisi kaiks. Kumi bani Baibil aisi kaikbia piua ra, saptika ra taki uplika nani baku puli aisi kaikaia sip sa.
Wik bilara aisi kaikbia saptika nani wina makabi walanka nani ridi dauks. Ningkara naha makabi walanka nani wina kum wahbi saki, kumi bani tânka ba plikbia, bara dîa laki kaikan ba wala nani wal sir munbia.
Makabi walanka kum dauks, apia kaka trabil kum nahki takaia sip kabia ba ra luki, pamali aiska Textos bíblicos para la vida cristiana wina Baibil smalkanka nani hilp munaia sip ba pliki sâks.
Baibil wina sturka kum wahbi saki, marikanka dauks.
Wik bani Upla nani ra smalkaia: latwan lâka warkka kum wauhkataya tara ulbanka tâka 1 wina Baibil tikska kum wahbi saki wauhkataya sirpi kum ra ulbi bris, bara sinskam ra praptis muni lan taks. Wik wala nani ra ulbi briram wauhkataya sirpi nani sin kli laki kaiks.
Man lilia bas bukka wina smalkanka kum kum laki kaiks.
Pamalikam tila wina kum ra makabaia sip sma, Internet pliska jw.org ra dimi “ENSEÑANZAS BÍBLICAS” pîska ra “Preguntas sobre la Biblia” apia kaka “Textos bíblicos explicados” pîska ra taki ulbanka kum yus muni tânka aisabia.

ASLA AIDRUBANKA NANI

Aidrubanka wina pîs kum aikuki ridi dauks.
Aisanka nani ridi dauki praptis muns, bara minit an ra yabisma ba sin kulki kaiks.
Lawana nani aiwanaia praptis muns.
Aidrubanka aula ra upla kum kupia bukaia dukiara dîa wiaia sip sma ba praptis muns.
Pamali tila wina kum aidrubanka ra marikanka kum brisa kaka, ridi dauki wala nani mawan ra praptis munaia sip sa.

SMALKAIA WARKKA

Utla utla ra smalkaia dukiara ridi taks.
Kli wih kaikanka nani daukaia dukiara ridi taks.
Ban wina upla kum ra smalkaia sanska dukiara luki, nahki aisankam tâ krikaia sip sma ba praptis muns.
Jisas Pruan Kupia Kraukanka apia kaka bakisan piua ra nahki smalkaia warkka kau tâ baikaia want sma ba dukiara pamalikam wal aisas.

PAMALI NITKA NANI

Trabil kum pat takan apia kaka takaia sip ba ra luki, dîa daukaia sip sma ba praptis muns. Tânka kum baku, pulitik bisniska tilara dimaia want apia ba mita, wark apia kaka skul watla ra saura mai munisa tâka, apia kaka naha tasba liliaka nani tâka mita trabil nani takaia sip ba dukiara.
Luhpa nani tânka kum laki kaikisa. Ningkara ai aisa yapti nani ra dîa laki kaikan ba dukiara aisisa.

NAHA DUKIA NANI SIN DAUKAIA SIP SMA

JW Broadcasting® lilkika kum kaiki pana pana aisas.
Internet pliska jw.org wina lilka apia kaka ulbanka kum kaiki pana pana aisi banhs.
Internet pliska jw.org ra “BAIBIL SMALKANKA NANI” pîska ra “Wahma tiara nani” apia kaka “Tuktan nani” wina tânka kum kum laki kaiks.
Asla aidrubanka tara wina dîa lan takan ba kli laki kaikaia sip sa.
Paskanka wina tânka kum pliki, Jehova dukiara dîa mai smalki ba pana pana aisi banhs.
Aima kum kum ra muihni apia kaka lakri kum ra paiwi, ai rayaka sturka dukiara aisabia makas.
Spirit lainka warkka kum ra luki alkaia trai muns.
Baibil sturka kum wina lilka kum paskaia, map kum ulbi paskaia, apia kaka wauhtaya ra baks kum ra diara nani ulbi mangkaia aikuki trai muns.

Piu bani pamalikam mayunra yua ba kau pain dauks LILKIKA ba mangks. Ningkara makabi wals:

¿Luhpa sirpi nani âpu sa taim maya waitna ba ai maya mairin pamali mayunra yua ra lilia kabia dukiara dîa daukaia sip sa?

Dîa lukisma ba uls

8. Kangrigisan Baibil stadika ba

(30 min.) bt sap. 13 baiki s. 17-24.

Lawana sjj-S 59 bara pura sunra | Tâ krikaia bîla nani (1 min.)