Kiamka sut ra sim sât kulkaia: ¿yapri sauhkanka kum baman sa ki? | ¿Baibil dîa wisa?

Upla manis mapara kiamka sut ra sim sât kulkaia lâka ba yapri sauhkanka kum baman sa.

• “Upla taya kalatka, bara kiamka, sim baku kulkras ba mita gabamint nani bara upla nani rayaka ba misbara lâka ni banhwan. Bara baha ba kasak apia lâka ban bara kabia dukiara tâ baikisa” (António Guterres, Kuntri nani Asla Takanka wihtika).

¿Yu kum upla kiamka sut ra sim sât kulkaia sip kabia ki? ¿Baibil dîa wisa?

Upla kiamka sut sim sât kulkaia lâka ba dukiara Gâd lukanka ba

Kiamka sât sât uplika nani ra, Gâd nahki kaiki ba dukiara Baibil ba aisisa.

• Gâd “waitna kumi wina baman witin bui nisan nani sut paskan, baha nani ba tasba aiska ra iwbia dukiara” (Apastil Nani Sturka 17:26).

• “Gâd mapa ra upla sâtka kumi upla sât wala ba wal aihka apia sa sakuna witin pain kulkisa ani nisanka witin ra sibrin luki bara diara pain sin dauki ba” (Apastil Nani Sturka 10:34, 35).

Baibil ba wisa upla sut ba kiamka kumi sa, bara Jehova ani kiamka wina kabia kra sin upla sut ra yamni kaikisa.

¿Ahkia tasba aiska ra upla kiamka sim sât kulkaia lâka ba bâra kabia ki?

Gâd Kingka Lâka Gabamint kum Heven ra ba, upla sut kiamka sim sât kaikaia lâka ba brih balbia, naha gabamintka ba, upla nani ra smalkbia ai walka ra yamni munaia, bara upla nani lan takbia kiamka nani sut ra sim sât kulkaia.

• “Tasba ra iwi uplika nani ba, kasakka lâka daukaia lan takisa.” (Aiseya 26:9).

• “Kasak lâka daukanka nani ba wina kupia kumi lâka takbia; kasak lâka warkka nani ba wina ris briaia, wan kupia kumi lâka ban kaia ra briaia bal takbia.” (Aiseya 32:17).

Naiwa piuara upla milian nani ba, Baibil wina lan takisa, nahki ai walka ra rispik lâka bara yamni munaia lâka marikaia.

• Kau nu takaia want sma kaka ¡Despertad! wauhkataya lalka: “¿Tiene cura el prejuicio?” ba aisi kaiks.

• Naha tânka dukiara, aisa yapti ai luhpia nani wal, nahki aisaia sip ba dukiara, nu takaia want sma kaka ulbi sakanka “¿Cómo hablar con sus hijos sobre el racismo?” ba aisi kaiks.