Tasba ra iwi daiwra nani ba 50 mani bilara 73% kau wiria takan sa | ¿Baibil dîa wisa?

2024 octubre kati, yua 9 ra tasba aiska ra daiwan bara dus nani main kaiki daknika ba, upla nani tasba aiska daiwra nani ra dîa dauki aula ba dukiara maisa pakanka tara pali kum yaban. Baha maisa pakanka ba marikan 50 mani bilara, wibia sa kaka 1970 manka wina 2020 manka ba kat, tasba aiska ra daiwan wail nani ba 73% ra kau wiria takan sa. Baku sin baha maisa pakanka ra naha kupia kraukanka wankan: ”5 mani bilara naha tasba ra dîa takbia ba wal, yawan nu takaia sip kabia naika piua ra upla sut rayaka, bara naha tasba na wal dîa takbia ba”.

Naha sât maisa pakanka nani wali upla manis ba tâ iwisa, kuna yawan aihka lukaia apia sa, kan yawan sut naha tasba aiska ra latwan kaikisa bara daiwan nani pât wahwisa kaikisa taim latwan wan munisa. Bara baku wan dara walisa kan Gâd ba, daiwan nani ra main kaikaia brinka wal wan paskan bamna (Blasi Sturka 1:27, 28; Sins Lâka 12:10).

Baha mita, ban kra man naku mamkabi walisma: “¿Daiwan nani ra yawan swaki sakaia sip sa ki? ¿Naha tânka dukiara Baibil ba dîa smalkisa ki?”

Naika piua dukiara bîla kaikanka kum

Yawan karna trai munbia kra sin, naha tasba bara daiwan nani ra swaki sakaia ba wan mihta ra apia sa bara karnika sin âpu sa, Gâd baman naha daukaia sip sa. Naika piua dukiara Baibil ba Param Marikanka 11:18 ra naku wisa: Gâd ba “naha tasba sauhki uplika nani ra” sauhki tikbia. Naha borska ba diara wâl wan smalkisa:

1. 1. Gâd ba swibia apia, upla nani ba naha tasba ba aiska pali sauhki tikan kabia.

2. 2. Tisku pali Gâd diara kum daukbia. ¿Yawan nahki nu sa? Kan naiwa piua ba upla nani ba tasba aiska daiwra nani ra sauhki tikaia man sa.

¿Naha trabilka ba Gâd nahki wapnika ra mangkbia ki? Ai kingka lâka bâk. Naha kingka lâka ba, heven ra gabamint kum sa bara naha tasba aiska tâ briaia dukiara Gâd ba yus munbia (Matiu 6:10). Naha kingka lâka ba upla bîla wawalra nani ra lan daukbia, nahki daiwan nani ra main kaikaia bara kaina kahbaia (Aiseya 11:9).