¿Piu karna ra nahki ban lilia kaia sip sa? | ¿Baibil dîa wisa?

Naha piua karna nani ra, dîa wan taki ba piu sut ra yawan sip alki takaskras. Ban sakuna, aima aihkika ra wan lama kir ra trabil ailal bri kabia kra sin wan daukanka ni lilia lâka marikaia sip sa. Baibil wisa piua karna kabia kra sin, “ya mapara ai âuyapah bri ba, liliaka kum piua bani ra kabia” (Sins Lâka 15:15). ¿Man nahki kau lilia kaia sip sma? Baibil ba hilp mai munaia sip sa. Naha hilpka nani ba kaiks:

Diara nani uba lukaia bara uba wari takaia lâka mapara bapi bus

Baibil ba naku smalkisa: “Kupia wirha lâka mita upla spiritka ba batakisa, sakuna bîla yamni kumi, baha ba lilia sakisa” (Sins Lâka 12:25).

• Baibil ba hilp mai munaia sip sa diara nani uba lukaia bara uba wari takaia lâka ba pura luaia dukiara. Naha trabilka pura luaia dukiara nahki Baibil ba hilp mai munaia sip sa kau nu takaia want sma kaka, “Qué dice la Biblia sobre la ansiedad” ulbanka ba aisi kaiks.

Yakan damra walaia trabilka ba pura lus

Baibil ba naku smalkisa: “Wan uplika piu bani ra latwan wan kaiki ba, wan kupia wirha bri piua ra, wan muihni wal baku sa” (Sins Lâka 17:17).

• Baibil ba wan smalkisa yakan wan dara walaia trabilka pura luaia dukiara wala nani wal wan pânika lâka kau dutki sakaia sa. “Yakan bara sari dara walaia trabilka ba pâna pain nani pliki saki pura lus | Baibil ba hilp mai munaia sip sa” ulbanka ba aisi kaiks.

Gâd ra latwan kaiks bara walkam ra sin

Baibil ba naku smalkisa: “Dawan Gâdkam ra latwan kaikma kupiam aiska kira, sulkam aiska kira bara sinskam aiska kira ni sin. [...] Uplikam ra latwan kaiks, man wînam ra latwan kaikisma ba baku”a (Matiu 22:37-39).

• Pura sunra ba hilp mai munaia sip sa Gâd ra kau latwan kaikaia dukiara. Naha tânka dukiara kau nu takaia want sma kaka, “¿Escucha Dios nuestras oraciones?” ulbanka ba aisi kaiks.

• Yawan naha Baibil smalkanka alki daukisa taim, wala nani ra latwan lâka marikisa: Upla wala nani man nani ra dîa mai daukaia brin mai dauki ba baku man nani sin dauks. Naha tânka dukiara kau nu takaia want sma kaka, “¿Qué es la Regla de Oro?” ulbanka ba aisi kaiks.

Naha piua karna nani ra Baibil stadi takaia ba lilia lâka maikaia sip sa. Mai paiwisa mana luha Baibil stadika kum brima.