¿Dîa muni Jehova witniska nani asla aidrubi watla ba prias watla apia kaka serts nina mâkras sa?

Baibil ra Grik bîla ulbanka ra “prias watla” apia kaka “serts” bîla takisa taim tânka sa kangrigisan, wibia sa kaka, upla lalukra nani asla taki daknika kum. Naha tânka apia sa asla aidrubaia watla kum.

Tânka kum baku: Korint ra iwi kan kristianka nani ra apastil Pal wauhkataya kum ulbi blikan taim, Priscila bara Áquila maritka ra lakula bliki naku ulban: “Wan laikula bris wan muihni nani Priscila bara Áquila wal watla ra bal asla taki banhwi priaska sut ra” (Roman 16:5, Nueva Versión Internacional). Param sa apastil Pal ba lakula bliki kan upla daknika kum ra, baha watla ra asla taki kan kangrigisanka ra.a

Baha mita yang nani asla aidrubi pliska ba, prias watla apia kaka serts nina mâkaia watlika ra “Jehova witniska nani asla aidrubanka watla” nina mâkisa.

¿Dîa muni “Jehova witniska nani asla aidrubanka watla” nina mâkisa?

Tânka ailal bâra sa baha nina ba pain luki mangkan ba mita. Naha nani baku:

• Baha pliska nani ba yus munisa wan asla aidrubanka nani daukaia dukiara.

• Yawan asla aidrubisa Baibil aisi Gâdka Jehova ra mayunaia dukiara, bara witin dukiara witnis aisaia dukiara (Lawana Nani 83:18; Aiseya 43:12).

• Baku sin yawan asla aidrubisa kan lan takaia want sa, Gâd Kingka Lâka dukiara Jisas smalkan ba (Matiu 6:9, 10; 24:14; Luk 4:43).

Wan asla aidrubanka nani ra dîa dauki ba nu takaia dukiara, mai paiwisa Jehova witniska nani asla aidrubanka watla kum ra wama.