Кој навистина владее со светот?

Ова забележително прашање е наслов на еден трактат кој го дистрибуираат Јеховините сведоци. Минатата година, една жена од Мисисипи (САД), напишала: „Кога еден млад човек ми го постави тоа прашање, не можев да се одлучам како да му одговорам“. Таа забележала: „Ми се чини дека светот тешко да е управуван онака како Бог што би одобрил“.

Потоа додала: „Од библиските стихови дадени во трактатот гледам дека порано не сум сфаќала во потполност што ни кажува Библијата по тоа прашање. Една од нашите божиќни песни, ‚Радост на светот‘, вели дека Бог владее со светот, што всушност е измама“.

Жената заклучила: „Обично не пишувам вакво писмо, но сметав дека треба да се уверите, барем во овој случај, дека вашето дело се цени“.

Јеховините сведоци ги упатуваат луѓето на она што го вели Библијата во врска со важните теми кои влијаат врз нашиот живот. Ако сакате примерок од гореспоменатиот трактат или ако сакате бесплатно да ја проучувате Библијата во Вашиот дом, Ве молиме пишете на адреса: Јеховини сведоци, п. ф. 800, 91000 Скопје, Македонија, или на соодветната адреса на страница 5.