Видеокасета што допира до срцата на младите

МНОГУМИНА млади луѓе беа охрабрени сериозно да размислат за своето однесување кога ја гледаа видеокасетата Младите прашуваат — како можам да стекнам вистински пријатели?a Оваа видеокасета содржи здрав библиски совет, лични изрази од млади христијани и мотивирачка современа драма темелена на библискиот извештај за Дина (Битие, поглавје 34). Следниве изјави за видеокасетата доаѓаат до Мексико.

Марта кажува: „Видеокасетата ме допре длабоко во срцето. Изгледа како да е направена баш за мене. Мислев дека е доволно тоа што учителите и другите ученици знаат дека сум Јеховин сведок. Пропуштив да го докажам тоа сведочејќи им. Благодарна сум за информациите што Јехова ни ги дава, особено кога длабоко нѐ погодуваат како оваа видеокасета“.

Хуан Карлос вели: „Оваа видеокасета навистина те тера да размислиш. Како млад човек, сум направил неколку грешки и можам да се поистоветам со некои од личностите во драмата. Пред неколку години водев двоен живот, но сфатив дека таквиот живот носи лоши последици. Сега, откако ја гледав видеокасетата, решен сум да му бидам верен на Јехова“.

Сулем признава: „Кога ја гледав видеокасетата, ме преплавија чувства. Претходно престанав да ја читам Библијата и не му се молев многу на Јехова. Кога ги слушав коментарите на младите луѓе на видеокасетата, бев поттикната пак да почнам да ја проучувам Библијата и да му се молам на Јехова“.

Младите луѓе денес се соочуваат со многу предизвици, а нивниот избор на пријатели честопати може да има силно влијание на тоа како го живеат својот живот (Псалм 26:4; Пословици 13:20). Видеокасетата Младите прашуваат — како можам да стекнам вистински пријатели? им помага на многумина да донесуваат добри одлуки во овој поглед.

[Фуснота]