ШТО ВЕЛИ БИБЛИЈАТА?

Што се случува откако ќе умреме?

НЕКОИ ЛУЃЕ ВЕРУВААТ дека продолжуваме да живееме во некој друг облик, а други, пак, сметаат дека смртта е крај на сѐ. Што мислиш ти?

ШТО ВЕЛИ БИБЛИЈАТА

„Мртвите не се свесни за ништо“ (Проповедник 9:5). Откако ќе умреме, повеќе не постоиме.

ШТО ДРУГО УЧИМЕ ОД БИБЛИЈАТА

• Откако умрел, првиот човек, Адам, се вратил во земниот прав (1. Мојсеева 2:7; 3:19). Исто како него, сите што умираат на крајот стануваат прав (Проповедник 3:19, 20).

• По смртта, на луѓето им се простуваат гревовите, односно се ослободени од нив (Римјаните 6:7). Откако ќе умреме, Бог не нѐ казнува за нашите гревови.

Можно ли е мртвите повторно да живеат?

ШТО БИ ОДГОВОРИЛ?

• Да

• Не

• Можеби

ШТО ВЕЛИ БИБЛИЈАТА

„Бог ќе ги воскресне и праведните и неправедните“ (Дела 24:15).

ШТО ДРУГО УЧИМЕ ОД БИБЛИЈАТА

• Библијата често ја споредува смртта со спиење (Јован 11:11-14). Бог може да ги разбуди умрените, исто како што ние можеме да разбудиме некој што спие (Јов 14:13-15).

• Во Библијата се запишани неколку воскресенија, што ни дава цврста основа да веруваме дека мртвите ќе оживеат (1. Царевите 17:17-24; Лука 7:11-17; Јован 11:39-44).