Дали се трудиш да го видиш одговорот на твоите молитви?

Во Библијата се спомнати многу молитви кои Јехова ги услишил. Кога некој Божји слуга ќе сфател дека Јехова го слушнал кога му кажувал некоја своја грижа и дека му помогнал, без сомнение верата му се зајакнувала. Затоа, добро е да бидеме конкретни во нашите лични молитви и потоа да се трудиме да го видиме одговорот од Јехова. Имај на ум дека неговиот одговор може да биде поинаков од она што си го очекувал или дека Јехова може да ти даде и повеќе од она што си го барал (2Ко 12:7-9; Еф 3:20). На кој начин Јехова може да одговори на нашите молитви?

• Може да ни даде физичка, емоционална или духовна сила за да се справиме со некој проблем (Фп 4:13).

• Може да ни даде мудрост за да донесеме добра одлука (Јк 1:5).

• Може да ни даде желба и сила да направиме нешто (Фп 2:13).

• Може да ни даде внатрешен мир кога сме загрижени (Фп 4:6, 7).

• Може да ги поттикне другите да ни помогнат во материјален или емоционален поглед (1Јо 3:17, 18).

• Може да им помогне на оние за кои се молиме (Де 12:5, 11).

ГЛЕДАЈ ГО ВИДЕОКЛИПОТ ЈЕХОВА Е „ТОЈ ШТО ГИ СЛУША МОЛИТВИТЕ“, А ПОТОА ОДГОВОРИ ГИ СЛЕДНИВЕ ПРАШАЊА:

• Како може да нѐ охрабри примерот на брат Шимицу ако поради здравствени проблеми не можеме да правиме онолку колку што би сакале?

• Како можеме да го следиме примерот на брат Шимицу?