Лекција 2

Бог е најдобриот пријател што воопшто би можел да го имаш

Да станеш Божји пријател е најдоброто нешто што воопшто може да ти се случи. Бог ќе те поучува како да бидеш среќен и сигурен; ќе те ослободи од голем број погрешни верувања и штетни навики. Тој ќе ги слуша твоите молитви. Ќе ти помогне да имаш внатрешен мир и доверба (Псалм 70:5; 72:28). Бог ќе те поддржува тогаш кога ќе ти биде тешко (Псалм 17:18). И Бог ти нуди вечен живот како Негов дар (Римјаните 6:23).

Додека му се приближуваш на Бог ќе им се приближиш и на пријателите на Бог. Тие ќе станат и твои пријатели. Всушност, ќе ти бидат како браќа и сестри. Ќе бидат среќни да те поучуваат за Бог, ќе ти помагаат и ќе те храбрат.

Ние не сме му рамни на Бог. Додека бараш пријателство со Бог, мораш да разбереш една важна вистина. Пријателството со Бог не е исто како пријателство на двајца меѓусебно рамни. Тој е далеку постар, помудар и многу помоќен од нас. Со право е наш Владетел. Затоа, ако сакаме да му бидеме пријатели, мораме да го слушаме и да го правиме она што Тој ни вели да го направиме. Ова ќе биде секогаш за наше добро (Исаија 48:18).