ЛЕКЦИЈА 1

Добар вовед

Дела 17:22

ЦЕЛ: Со воведот треба да ги заинтересираш другите. Освен тоа, треба да им помогнеш да сфатат за што ќе зборуваш и зошто тоа е важно за нив.

Побуди интерес кај другите. Постави прашање или спомни некоја вистинска случка, актуелен настан или нешто друго што ќе ги заинтересира оние што те слушаат.

Однапред добро размисли, и прилагоди го воведот на она што ги интересира или ги загрижува твоите слушатели.
Помогни им да сфатат за што ќе зборуваш. Погрижи се од твојот вовед да може јасно да се види за што ќе зборуваш и со која цел.
Помогни им да разберат зошто она што ќе го кажеш е важно за нив. Прилагоди го воведот на потребите на оние што те слушаат. Тие треба јасно да сфатат како ќе им користи она што го зборуваш.

Додека подготвуваш некој говор, прашај се: „Со што се соочуваат браќата и сестрите во моето собрание?“ Потоа смисли вовед што одговара на нивните потреби.