Дали која и да било религија е доволно добра?

„Судбината на нашето време е трагична. Ни треба религија, но никаде не наоѓаме Бог кој ќе ни одговара.“ (Лучан Блага, романски поет и филозоф)

„Религијата и свештенството беа, и можеби долго време ќе останат, меѓу најголемите непријатели на прогресот и слободата.“ (Христо Ботев, бугарски поет)

НАВЕДЕНИТЕ цитати ја одразуваат дилемата во која се наоѓаат многу искрени луѓе. Длабоко внатре тие ја чувствуваат потребата од религија, но мистериозниот Бог за кој учи свештенството не е Бог кого можат да го разберат и да го сакаат. Повеќе од тоа, сфаќаат дека свештенството и нивните религии сториле многу да го спречат човечкиот напредок и слобода. Да, додека потребата од религија сѐ повеќе се увидува, искрените луѓе не се одлучуваат едноставно за која и да е религија.

Важна разлика

Религијата игра клучна улога во градбата и историјата на човештвото. The New Encyclopædia Britannica зборува за религијата „како факт во човечкото искуство, култура и историја“ и додава: „Докази на религиозни ставови и приврзаности постојат на секое подрачје од човечкиот живот“. Но историјата покажува дека ниедна од главните светски религии не била благослов за човештвото.

Индискиот државник Џавахарлал Нехру еднаш рекол: „Спектаклот на она што е наречено религија, или барем организирана религија, во Индија како и на други места, нѐ исполнил со ужас“. Ако се погледнат војните кои биле водени и злосторствата што се извршени од името на религијата, дали можеш да бидеш искрен а да не се согласиш со него?

Во 18. век, францускиот филозоф Волтер направил интересна разлика. Тој напишал: „Велите дека религијата направила безбројни срамни дела. Подобро речете суеверие, суеверието кое владее над нашиот тажен свет. Суеверието е најсуровиот непријател на чистото обожавање кое му го должиме на Врховното Битие“. Волтер се борел против религиозната нетрпеливост во своето време, но ја задржал својата вера во Бог како Творец на универзумот. Ја увидел разликата помеѓу вистинската и лажната религија.

Потреба да се направи избор

Сите не се согласуваат со Волтер. Некои тврдат дека во сите религии гледаат нешто добро; затоа не чувствуваат права потреба да ја бараат вистинската религија. Таквите поединци треба да обрнат внимание на предупредувањето што го дал пророкот Исаија, кој напишал: „Тешко им на оние, кои злото го нарекуваат добро и доброто — зло, темнината ја сметаат за светлина, и светлината — за темнина, горчливото — за слатко, а слаткото — за горчливо!“ (Исаија 5:20). Лажната религија го произвела она што е лошо за човештвото. Довела до духовна темнина и оставила горчлив вкус во устите на луѓето со искрени срца.

Според тоа, изборот не е помеѓу тоа да се биде атеист и да се верува во која и да е религија. Не е толку едноставно како што изгледа. Откако некој ќе ја увиди потребата од Бог, мора да ја пронајде вистинската религија. Добро рекол истражувачот Емил Пула во Le Grand Atlas des Religions (Големиот атлас на религиите): „Она што [религиите] поучуваат и бараат е толку различно што е невозможно да им се верува на сите“. Во согласност со тоа, француската Encyclopædia Universalis (Универзална енциклопедија) вели: „Ако 21. век не ѝ се врати на религијата, (...) човекот ќе мора да се одлучи дали светите работи кои му се нудат се вистинити или лажни“.

Како да се избере вистинската религија

Што може да нѐ води во избирањето на вистинската религија? Encyclopædia Universalis е во право кога ја нагласува важноста на вистината. Религија која учи лаги не може да биде вистинита. Најголемиот пророк кој некогаш живеел на Земјата, изјавил: „Бог е Дух, и оние кои го обожават треба да го обожаваат со дух и вистина” (Јован 4:24, New World Translation of the Holy Scriptures).

Тој пророк бил Исус Христос, кој исто така изјавил: „Пазете се од лажните религиозни учители, кои доаѓаат кај вас облечени како овци, а кои се всушност лакоми волци. Можете да ги препознаете по нивните плодови. (...) Секое добро дрво дава здрави плодови, а лошо дрво дава лоши плодови“ (Матеј 7:15-17, Phillips). Гледајќи ги лошите плодови на светските „големи“ религии, па дури и на сектите и култовите кои се појавиле, многу искрени луѓе гледаат на нив како на ‚расипани дрвја‘, кои едноставно не чинат. Но како можат да ја пронајдат вистинската религија?

Очигледно е невозможно да се проучат сите илјадници религии во и надвор од христијанството пред да се направи избор. Меѓутоа, — како што рекол Исус — ако вистината и плодовите ги употребиме како критериум, можно е да се препознае вистинската религија.

Вистината и плодовите

Исус ја споменал вистината. Во врска со тоа, која група верници ги одбива религиозните лаги кои доаѓаат од античката митологија и грчката филозофија, а кои продреле во повеќето религии? Една таква лага е учењето дека човечката душа е со вродена бесмртност.a Тоа учење ја произвело науката за пеколен оган која го срамоти Бог.

Исус исто така споменал плодови. Што се однесува до тоа, дали ти познаваш религија која создала вистинско меѓународно братство кадешто расните, јазичните и националните бариери се надминати со љубов и меѓусебно разбирање? Дали познаваш светска религиозна заедница чии членови повеќе би сакале да бидат прогонувани отколку да дозволат политичките или религиозните водачи да ги наведат да ги мразат своите браќа и сестри и да ги убиваат поради национализмот или религијата? Зарем религија која би ги одбила таквите религиозни лаги и би донесувала такви плодови, не би давала силен доказ дека е вистинската?

Вистинската религија се врши денес

Дали постои таква религија? Да, постои. Но мораш да признаеш дека тоа не е некоја од главните религии во светот. Дали тоа треба да нѐ изненади? Не. Во својата прочуена Проповед на гората, Исус изјавил: „Влезете на тесната врата; зашто широка е вратата и широк е патот што водат во пропаст, и многу ги има кои одат по нив. Како што е тесна вратата и тесен патот што водат во живот, и малку се кои го наоѓаат“ (Матеј 7:13, 14, ДК).

Тогаш, каде може да се најде вистинската религија? Со сета понизност и чесност, мораме да кажеме дека Јеховините сведоци формираат една меѓународна заедница која оди по тој ‚тесен пат‘. Вистина е дека водечките религии презриво ги нарекуваат Јеховините сведоци секта. Но тоа е исто така како што отпадничките религиозни водачи од првиот век н.е. ги нарекувале првите христијани (Дела на св. апостоли 24:1-14).

Зошто Јеховините сведоци се уверени дека ја имаат вистинската религија? Па, тие сочинуваат меѓународно братство кое опфаќа над 200 земји и кое ги надминува националните, расните, јазичните и соционалните поделби, и одбиваат да веруваат во науки — сеедно колку се стари — кои јасно противречат на она што Библијата го кажува. Но како тие дошле во таква завидна положба? И што вклучува вршењето на вистинската религија? Овие и други прашања во вска со религијата ќе бидат разгледани во следните две статии.

[Фуснота]

[Слика на страница 7]

Крстоносните војни биле дел од лошите плодови на лажната религија

[Извор на слика]

Bibliothèque Nationale, Paris

[Слика на страница 8]

Вистинската религија донесува добри плодови