Во која религија можеш да имаш доверба?

Ако си се разочарал од некоја религија, можеби ти е тешко да имаш доверба во која било друга религија. Но, биди уверен дека има една религија на која можеш да ѝ веруваш. Кога бил на Земјата, Исус ги поучил своите верни следбеници да живеат според Божјите мерила. И денес има вистински следбеници на Исус што совесно се трудат да живеат според христијанските мерила. Кои се тие луѓе?

Естел, која беше спомната во една од претходните статии, вели: „Библијата ми стана појасна дури откако почнав да ја проучувам со Јеховините сведоци. За кратко време ги разбрав зборовите од Јован 8:32, каде што пишува: ‚Ќе ја запознаете вистината, и вистината ќе ве ослободи‘“.

Реј вели: „Кога ја проучував Библијата со Јеховините сведоци, дознав дека Бог не е виновен за страдањата на луѓето. Благодарен сум што сфатив дека, иако Бог со добра причина го дозволува злото, ветува дека наскоро ќе го отстрани“.

Се разбира, не е лесно да го правиш она што е исправно кога повеќето други го прават она што е погрешно. Сепак, тоа е можно. Многу луѓе сакаат некој да им помогне да ја разберат Библијата и да живеат според нејзините совети. Затоа, Јеховините сведоци бесплатно ја проучуваат Библијата со милиони луѓе во светот. Секоја седмица, голем број лица дознаваат што навистина учи Библијата и се зближуваат со својот Творец. Затоа се многу посреќни.a

Следниот пат кога ќе сретнеш Јеховини сведоци, би можел да ги прашаш зошто имаат доверба во својата религија. Дознај повеќе за нив и за нивните учења. Така сам ќе увидиш дека постои религија во која можеш да имаш доверба.